თბილისის ყოფილი მერის გიგი უგულავასა და მისი მეუღლის, ლელა კილაძის დაშორებაზე ბევრს საუბრობენ. აქტიურად განიხილება ლელა კილაძისა და გუკა რჩეულიშვილის სასიყვარულო ურთიერთობაც. ზოგი ამბობს, რომ ეს ყველაფერი სიმართლეს არ შეესაბამება, ზოგი კი იმას მოწმობს, რომ წყვილი ერთად გადავიდა საცხოვრებლად. ჟურნალ „თბილისელებისთვის“ მიცემულ ინტერვიუში, გუკას მამა, ვახტან რჩეულიშვილი ამ თემასაც შეეხო, რომელიც ამბობს, რომ ხმები მასთანაც მივიდა, თუმცა ის გუკას ცხოვრებაში შეგნებულად არ ერევა, რადგან ის ზრდასრული ადამიანია და თავისი საქმის თავად იცის. ჟურნალისტის შეკითხვაზე, იცნობს თუ არა იგი ლელა კილაძეს, ასეთი პასუხი გასცა: „კი, ჩემი მეგობრის შვილია და კარგის მეტი მასზე არაფერი მეთქმის. შალვა კილაძე ჩემი ბავშვობის ძმაკაცია. რომ ვთქვა, ლელა ჩემს თვალწინ გაიზარდა-მეთქი, მოვიტყუები. 24 საათი შალვასთან არ ვიყავი, მაგრამ ძალიან ხშირად ვხვდებოდით ერთმანეთს და ლელასაც კარგად ვიცნობ. მე და მაიას ლელა ძალიან გვიყვარს, მაგრამ გუკას მეუღლე არის ნუცა. არ დავმალავ და გეტყვით, რომ გუკას და ნუცას ოჯახში პრობლემებია. მე არ ვიცი ოჯახი, რომელსაც პრობლემები არ ჰქონდეს. გუკა თბილისშია, ნუცა - ამერიკაში, სადაც მას წელიწადში რამდენჯერმე უწევს ჩასვლა“.

რაც შეეხება შეკითხვას, მართალია თუ არა, რომ გუკა და ლელა ერთად გადავიდნენ საცხოვრებლად, ვახტანგ რჩეულიშვილი პასუხობს: „ არა, ეს ჭორია. გუკა ვერაზე ცხოვრობს თავის სახლში, რა ხდება მათ შორის, არ ვიცი, არც გუკა საუბრობს ამაზე და არც მე არაფერს ვიკვლევ. ვერ დავიწყებ წინასწარმეტყველებას, რა როგორ იქნება, ის ვიცი, რომ ნუცა ჩემი შვილია და ასე იქნება სულ.