ჩოხატაურში დიდთოვლობის გამო 700-მდე აბონენტი ელექტროენერგიის გარეშე დარჩა. როგორც "გურიის მოამბეს" მუნიციპალიტეტის გამგებელმა ირაკლი კუჭავამ განუცხადა, მაღალმთიან სოფლებში თოვლის საფარი 40 სმ-მდე აღწევს.

„ამან გამოიწვია სადენების დაზიანება. ამ წუთებშიც „ენერგო პრო-ჯორჯიას“ ტექნიკური ჯგუფები გასულები არიან და მიმდინარეობს დაზიანებული ელექტრო ხაზების აღდგენა. ვფიქრობთ, რომ დღის ბოლომდე ყველა სოფელში აღდგენა შუქის მიწოდება“, - ამბობს კუჭავა.

მისი თქმით, იყო მცირე პრობლემები გადაადგილებასთან დაკავშირებით, თუმცა ამ ეტაპზე ყველა სოფლის მიმართულებით მოილიზებულია სპეციალური ტექნიკა და ინტენსიურად და მიმდინარეობს გზის გაწმენდითი სამუშაოები.