ნაძალადევის რაიონში ტრაგიკული შემთხვევის შედეგად გარდაცვლილი გოგონა იუსტიციის სამინისტროს თანამშრმელი იყო. აღნიშნულთან დაკავშირებით უწყება განცხადებას ავრცელებს.

„იუსტიციის სამინისტრო მწუხარებას გამოთქვამს სსიპ აღსრულების ეროვნული ბიუროს თანამშრომლის შორენა აბულაძისა და მისი მეუღლის ტრაგიკულად გარდაცვალების გამო.

შორენა აბულაძე 2009 წლის 25 ნოემბრიდან გადიოდა სტაჟირებას აღსრულების ეროვნულ ბიუროში.

2010 წლის 2 აგვისტოს დაინიშნა აღსრულების ეროვნული ბიუროს ადმინისტრაციის საზოგადოებასთან ურთიერთობისა და მარკეტინგის განყოფილების სატელეფონო კონსულტანტის თანამდებობაზე.

2014 წლის 8 მაისიდან მუშაობდა საქმისწარმოებისა და საინფორმაციო სამსახურის საინფორმაციო განყოფილების სატელეფონო კონსულტანტის თანამდებობაზე.

იუსტიციის სამინისტრო სამძიმარს უცხადებს გარდაცვლილების ოჯახებსა და ახლობლებს“, - ნათქვამია განცხადებაში.

შეეეგახსენებთ, ნაძალადევის რაიონში ახალგაზრდა ცოლ-ქმარი ბუნებრივი აირის გაჟონვის შედეგად გარდაიცვალა. ტრაგედია ხორნაბუჯის ქუჩაზე ნაქირავებ ბინაში მოხდა.