"მზად არ ვართ ასობით ათასი ვუხადოთ მწვრთნელებს"- ხეჩიკაშვილი ცხადაძეს პასუხობს

სპორტი - 18:49, 21 Jan, 2016

2510

საქართველოს საფეხბურთო ნაკრების მთავარი მწვრთნელის კახა ცხადაძის მხრიფან წამოსულ ბრალდებებს, სპორტის მინისტრმა უპასუხა. ტარიელ ხეჩიკაშვილის ფეხბურთის ფედერაციის საქმიანობაში და მწვრთნელების შერჩევაში ჩარევას კატეგორიულად უარყოფს. მისი თქმით ხელფასებთან დაკავშირებული ცვლილებები კახა ცხადაძის პერსონის გამო არ ხდება და ამაზე საუბარი უფრო ადრე დაიწყო.

„აქ არ არის კახაზე საუბარი. სამინისტროს პოზიცია მე გავჟღერე როცა სიჭინავა იყო პრეზიდენტი, რა გამოდის მე სიჭინავას კი არ ვებრძოდი ან ცხადაძეს. ჩემთვის მთავარია, რომ სისტემა შეიცვალოს. თუ ვინმე მეტყვის, რომ ჩვენ შეგვიძლია ასობით ათასი ვუხადოთ სხვადასხვა ტიპის მწვრთნელებს, მე მგონია რომ ამისთვის მზად არ ვართ და თუ ფედერაციას სწორად მიაჩნია და აქვს ამის რესურსი მოიძიოს და გადაუხადოს“- განაცხადა ტარიელ ხეჩიკაშვილმა.

შეგახსენებთ, საქართველოს ეროვნული საფეხბურთო ნაკრების მწვრთნელმა კახა ცხადაძემ ხეჩიკაშვილი მასსა და ფეხბურთის ფედერაციას შორის დაძაბულობის შექმნის მიზეზად დაასახელა. მისი თქმით ტარიელ ხეჩიკაშვილს მისი ნაკრებიდან გაშვება უნდა.რადგან მინისტრი მის შემცვლელად ერთ-ერთ პიროვნებას ლობირებს. ცხადაძის განცხადებით ხეჩიკაშვილი არ აპირებს ფეხბურთს ხელფასების კუთხით დაეხმაროს.