ფეკალური მასით დაბინძურებული ოპერის თეატრის ვარსკვლავები

საზოგადოება - 14:41, 21 Jan, 2016

2850

ბოლო დღეების განმავლობაში არაერთხელ მოექცა ყურადღების ცენტრში ზაქარია ფალიაშვილის სახელობის ოპერისა და ბალეტის თეატრი. საზოგადოების მხრიდან განსაკუთრებით მკვეთრად ნეგატიური შეფასება მოჰყვა იმ ფაქტს, რომ 30 იანვარს თბილისის ოპერისა და ბალეტის განახლებული შენობის გახსნაზე დასწრებას მხოლოდ მიწვეული პირები შეძლებენ. ამის შემდეგ უკვე გარჩევის თემა ოპერა „აბესალომ და ეთერი“ იყო, რომელსაც ზოგი ნეგატიურად აფასებდა, ზოგიც პირიქით. ამჯერად კი „ნიუპოსტის“ ყურადღების ცენტრში ერთი არასასიამოვნო ფაქტი მოექცა. მართალია ეს არც „აბესალომ და ეთერის“ ხარისხს არ ეხება და არც იმას თუ ვინ შეძლებს 30 იანვარს გახსნაზე დასწრებას, თუმცა ოპერის თეატრი მაინც ფიგურირებს. უკვე ორი დღეა ოპერის თეატრის ფასადის წინ, რუსთაველის გამზირზე, იქ სადაც ოპერის მომღერლების ვარსკვლავებია გახსნილი, ეს ადგილი ფეკალური მასის ფონზე ნამდვილად არასასიამოვნოდ გამოიყურება. მიუხედავად იმისა, რომ კანონის თანახმად, ძაღლის ან სხვა შინაური ცხოველის მცირე ოდენობის ფეკალური მასებით ტერიტორიის დაბინძურება 50 ლარით დაჯარიმდება, როგორც ავღნიშნეთ უკვე მეორე დღეა პაატა ბურჭულაძისა და ცისანა ტატიშვილის ვარსკვლავები ფეკალური მასით არის დაბინძურებული. ალბათ მხოლოდ ვარსკვლავის გახსნა საკმარისი არ არის, მის სისუფთავეზეც საჭიროა ზრუნვა. თუ დასუფთავების სამსახური არ უზრუნველყოფს ფეკალური მასის აღებას, რაც ასევე დაუშვებელია, მაშინ ამ შემთხვევაში ოპერის თეატრის ადმინისტრაციამ მაინც უნდა იზრუნოს არსებული ვარსკვლავების პატივისცემაზე და მხოლოდ ფასადის გალამაზებისთვის არ ჰქონდეს შენობის წინ.