ინოვაციური პროექტი ახალგაზრდებისთვის- „ევროპარლამენტის მოდელირება“

საზოგადოება - 10:15, 20 Jan, 2016

2557

არასამთავრობო ორგანიზაცია სამოქალაქო საზოგადოების გაძლიერების ინსტიტუტი 5,6 და 7 მარტს თბილისში ახორციელებს საგანმანათლებლო პროექტს „ევროპარლამენტის მოდელირება“, რომელშიც მონაწილეობის მიღება შეუძლიათ 15-დან 26 წლამდე ახალგაზრდებს მთელი საქართველოდან. მონაწილეებს შესაძლებლობა ეძლევათ თავი გამოსცადონ ევროპარლამენტარების როლში. პროექტი არის საუკეთესო შანსი მონაწილეებმა შეიძინონ პრაქტიკული გამოცდილება საერთაშორისო ურთიერთობების სფეროში,მონაწილეობა მიიღონ მსოფლიო პოლიტიკისთვის აქტუალური საკითხების განხილვასა და მოვლენების შეფასებაში, ასევე გამოავლინონ ლიდერული უნარ-ჩვევები და გაიცნონ წარმატებული ახალგაზრდები მთელი საქართველოდან.

მონაწილეები გადანაწილდებიან ევროპარლამენტის პოლიტიკურ დაჯგუფებებში და საბოლოოდ შეიმუშავებენ დასკვნებს ან რეზოლუციებს. მიიღებენ მონაწილეობას დებატებსა და საჯარო გამოსვლებში. აქტიურად ჩაერთვებიან თითოეული რეზოლუციის განხილვაში და გაივლიან მასტერკლასებს საქართველოში მომუშავე პოლიტიკური და არასამთავრობო სფეროს წარმომადგენლებთან.

ინსტიტუტი, რომელიც ყოველწლიურად რამდენიმე საერთაშორისო პროექტს ახორციელებს საუკეთესო დელეგატს დაუფინანსებს საერთაშორისო პროექტში მონაწილეობის საფასურს.