29 წლის ნიკას ცხედარს ძალადობის კვალი აღენიშნება - რას აცხადებენ გარდაცვლილის ოჯახის წევრები(ფოტო 18+)

კრიმინალი - 16:20, 19 Jan, 2016

8750

"ნიუპოსტმა" ზუგდიდში, წერეთლის ქუჩაზე მომხარი ფაქტის შესახებ დამატებითი დეტალების მოპოვება შეძლო.

როგორც ჩვენს კორესპოდენტს გარდაცვლილი ნიკა კვარაცხელიას დედამ, ნანული ქობალიამ განუცხადა, მისი შვილი მოკლულია და ამას ცხედარზე აღმოჩენილი ძალადობის ნიშნებიც ადასტურებს.

ნანული ქობალიას ინფორმაციით, მისი შვილი ნაწამებია. გარადაცვლილის დედა ამბობს, რომ მისი შვილი რძალმა ელისო ქირიამ მოკლა და მიიმალა.

კვარაცხელიას ოჯახის წევრების განცხადებით, ელისო ქირია პირობითი მსჯავრის ქვეშ იმყოფება.

გარდაცვლილის და აცხადებს, რომ სამი წლის წინ ქირიამ ბასრი საგნით მისთვის დაზიანების მიყენება სცადა.

ნესტან კვარაცხელიას თქმით, მან სასამართლოში იჩივლა და ბოლო პერიოდი რძალთან არანაირი ურთიერთობა არ ჰქონდა.

29 წლის ნიკა კვარაცხელიას ოჯახის ცნობით, ეჭვმიტანილი დაკავებული არ არის. ისინი შს სამინისტროს მოუწოდენენ საქმე დროულად გამოიძიონ.

გადაცვლილის ბებია დუსია ბჟენავა შვილიშვილის თვითმკვლელობას გამორიცხავს.

გარდაცვლილის ოჯახის წევრთა თქმით, გარდაცვლილმა ცოლის მიერ სოციალურ ქსელში უცხო მამაკაცთან მიმოწერის შესახებ შეიტყო, ურთიერთშელაპარაკების დროს კი ცოლმა მეუღლეს დაზიანებები მიაყენა, ბოლოს კი ცივი იარაღით გულ მკერდის არეში სასიკვდილოდ დაჭრა.
კვარაცხელიას ოჯახის წევრების განცხადებით, გარდაცვლილს ზურგსა და იღლიაში, ასევე კისრის მიდამოში ნაკბენი აღენიშნება.
29 წლის მამაკაცის ცხედარი მისმა მეზობელმა იპოვა. როგორც ის აცხადებს, შემთხვევის ადგილზე გარდაცვლილის მეუღლე არ უნახავს.
ზუგდიდში მომომხდარ ფაქტთან დაკავშირებით შსს-მ გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.

როგორც უწყებაში „ნიუპოსტს“ განუცხადეს, ამ ეტაპზე არსებული ინფორმაციით, მამაკაცმა ოჯახური კონფლიქტის დროს ცივი იარაღით თვითდაზიანება მიიყენა მუცლის არეში.

დანიშნულია ექსპერტიზა, რაც გარდაცვალების მიზეზს დაადგენს.

რედაქცია გაფრთხილებთ, რომ სუსტი გულის მქონე ადამიანებისა და არასრულწლოვნებისთის სტატიაში გამოყენებული ფოტომასალის ნახვა არარეკომენდირებულია.