ბიძინა კუჭავამ ფეხი გვამის დანაწევრების დროს დაიზიანა- თალაკვაძე პროკურორის მკვლელობის დეტალებზე

კრიმინალი - 22:32, 18 Jan, 2016

7833

საქართველოს შინაგან საქმეთა მინისტრის მოადგილემ არჩილ თალაკვაძემ ტელეკომპანია ”იბერიას” ეთერში , სამეგრელო ზემო სვანეთის პროკურორის ვახტანგ ქირიას მკვლელობის დეტალებზე ისაუბრა.

მისი თქმით, გამოძიებამ დაადგინა, რომ ვახტანგ ქირიას ოჯახის წევრებთან ბოლო კონტაქტი 13 იანვარს შედგა, მისი მკვლელობა სწორედ ამ დღეს განხორციელდა. თალაკვაძე განცხადებით ბიძინა კუჭავამ ვახტანგ ქირია ძველით ახალი წლის ღამეს მოკლა და გასროლა ქალაქში არსებულ ხმაურს დაამთხვია. შემოდგომში კუჭავამ გვამი ჩამოჰკიდა რათა ის სისხლისგან დაცლილიყო და დაიწყო გვამის დანაწევრება, რა დროსაც ელექტრო ხერხით ფეხის თითი დაიზიანა. თალაკვაძის განმარტებით, მკვლელობის ადგილიდან დაკარგულია გარდაცვლილი პროკურორის შარვალი და ფეხსაცმელი და გამოძიების ვარაუდით კუჭავამ ბინა სწორედ პროკურორის ტანსაცმლით დატოვა. თალაკვაძის თქმით, მკვლელობის შემდეგ კუჭავა დაუკავშირდა საზღვარგარეთ ნაცნობს, რომელმაც დააკავშირა ის პოპოვებთან რათა დაეტოვებინა ქვეყანა. შს მინისტრის მოადგილე ამბობს, რომ აღნიშნულს ჩვენებებში კუჭავას თანმხლები პირები ადასტურებენ.

"ბიძინა კუჭავამ წინასწარ შეძენილი ტალით, რომელსაც ჰქონდა რკინის ღვედი სავარუდოდ გვამი ჩამოკიდა, დაცალა სისხლისგან და შეუდგა მის დანაწევრებას, რა დროსაც დაიზიანა ელექტროსაჭრელით ფეხი და განუვითარდა ძლიერი სისხლდენა. სწორედ ამიტომ აქვს ფეხზე დაზიანება", - განაცხადა თალაკვაძემ.

შსს-ს ინფორმაციით, სამეგრელო-ზემო სვანეთის საოლქო პროკურატურის მთავარი პროკურორის ვახტანგ ქირიას მკვლელობაში ბრალდებული ბიძინა კუჭავაა.