"ზოგიერთები ერთ ადგილს აძლევენ, არ რცხვენიათ და მე 100 გრამი კონიაკი ვეღარ უნდა დავლიო?"- მეჭიაური

საზოგადოება - 14:16, 18 Jan, 2016

7032

სოციალურ ქსელში გავრცელებულ ფოტოს, სადაც სუფრასთან მსხდომი საპარლამენტო უმრავლესობის წევრები თამაზ მეჭიაური, დიმიტრი ხუნდაძე და ომარ ნიშნიანიძე არიან ასახული დიდი გამოხმაურება მოჰყვა. კრიტიკის საგანი სუფრაზე არსებული ძვირადღირებული სასმელი გახდა. მოქალაქეების აზრით, ქვეყანაში არსებული მდგომარეობის ფონზე პარლამენტარები მსგავს ძვირადღირებულ სასმელს არ უნდა მიირთმევდნენ. აღნიშნულ ფაქტზე განმარტება თამაზ მეჭიაურმა გაზეთ კვირის ქრონიკასტან გააკეთა. მისი თქმით აღნიშნული სასმელი დეპუტატებს თავისი ფულით არ შეუძენიათ და ეს სურათი ბანკეტზე არის გადაღებული:

„ჯერ ერთი მილიონერების ბანკეტია , მეორეც -უმეტესობა რვინოს სვამდა და მე ჩემი „ფლიაგით“ დამაქვს სასმელი, მესამეც- 1 ლიტრიც არ დალეულა და პატრონებს დარჩათ, კიდევ რამდენიმე სუფრას გაისტუმრებენ... ერთი დიდი საავადმყოფოს 2 წლისთავი და წლის ანგარიშის პრეზენტაცია იყო. მეპატრონეებმა გადაიხადეს ბანკეტი საკუთარი ფულით, არა ბიუჯეტიდან. ჩვენ მალე წამოვედით... ეგ ვისკი ახლაც პატრონთანაა. ზოგიერთები ერთ ადგილს აძლევენ, არ რცხვენიათ, პირადი ცხოვრებააო და მე ამათი შიშით 100 გრამი კონიაკი ვეღარ უნდა დავლიო?“- აცხადებს მეჭიაური.