20 წელზე მეტი 8 ოჯახი წყლისა და გათბობის გარეშე - თემა რომელზეც რეაგირება არ მოჰყოლია

საზოგადოება - 17:24, 16 Jan, 2016

1407

8 ოჯახი ჩოხატაურში ყოფილი სპორტსკოლის შენობაში ცხოვრობს, ყველა მთაგანი სოციალურად დაუცველია. რამდენიმე ბინადარმა, როგორც „გურიის მოამბეს“ განუცხადეს, სოციალურად შეჭირვებლთა სტატუსი დაკარგა და აღდგენას წლებია უშედეგოდ ითხოვენ.

„მეცხე წელია აქ ვცხოვრობ, ძალიან მძიმე მდგომარეობაში ვართ, ვზრდი ორ შვილს. აქ გაიზრდება ბავშვები? თოვლმა კიდევ უფრო დაამძიმა აქ არსებული სიტუაცია, შეიძლება ჭერი ჩამოინგრეს და საშინელი ტრაგედია დატრიალდეს აქ. ძალიან რთულ სიტუაციში ვართ, თუ ვინმეს მიხმარება სჭიდება დავეხმარებით და იქ აღებული ფულით ვყიდულობთ პურს“.

ყოფილი სპორტსკოლის შენობაში შეხიზნულებმა, ადგილობრივი ხელისუფლებიდან სხვა შენობაში გადასვლასთან დაკავშირებით შემოთავაზება რამდენჯერმე მიიღეს. ბინის დანგრევის საშიშროების მოლოდინში მცხოვრები ოჯახები, როგორც თვითონ აცხადებენ, თავს მოტყუებულადაც გრძნობენ რადგან, უკვე რეაბილიტირებული საცხოვრებელი ფართების მათ საკუთრებაში გადაცემა კვლავაც მხოლოდ მშრალ დაპირებად რჩება.

„ჩვენ ვითხოვთ ალტერნატიულ ფართს, როგორც ოზურგეთში გაკეთდა და სხვა ნორმალურ ქალაქებში, ისე გააკეთონ აქ. თუ არ კანონდება ეს ფართები, დროებით შეგვიშვან სხვა ადგილზე“.

შენობა სადაც 8 ოჯახი ცხოვრობს ფაქტობრივად, იშლება. კედლები გაბზარულია და ყოველი წვიმის შემდეგ მდგომარეობა უარესდება. ადგილობრივების თქმით, შენობაში საშინელი ანტისანიტარიაა. არ ასებობს კანალიზაცია და შენობის პირველი სართული ფეკალური მასით ივსება. ავარიულ შენობაში წვიმის წყალი ჩადის, აყრილია იატაკი, დაზიანებულია შენობის კარ-ფანჯარა. მოსახლეობის თქმით, დასახლებაში პრობლემაა სასმელი წყალიც. ისინი ხელისუფლებისგან დანაპირების ასრულებას ითხოვენ, ანუ ალტერნატიულ ფართს, სადაც ადამიანურად იცხოვრებენ.

როგორც, აქ მცხოვრები მოსახლეობა განმარტავს, მრავალჯერადი თხოვნის მიუხედავად, დანგრევის პირას მყოფი ავარიული კორპუსის არც რეაბილიტაცია და არც დემონტაჟი ამ დრომდე არ მომხდარა: ,,ბევრი ვიარეთ არჩევნებზე ოცნების შტაბში, მაგრამ ჩვენი პრობლემის მოგვარებით არავინ დაინტერესებულა“, – აცხადებენ ავარიულ შენობაში მცხოვრებლები.

ჩოხატაურის მუნიციპალიტეტის გამგეობაში კი განმარტავენ, რომ მოსახლეობა შეთავაზებაზე მხოლოდ ერთი მიზეზით ამბობდა უარს, ეს მიზეზი კი ისაა, რომ მათ სურს ეს ფართები საკუთრებაში მიიღონ. მუნიციაპლიტეტის გამგებლის ირაკლი კუჭავას ინფორმაციით, ამ საკითხთან დაკავშირებით ახალ პროექტზე მუშაობენ და ეს ყოფილი სამშობიარო სახლის შენობის გარემონტებაა. შენობის გარემონტებას 160 ათასი ლარი ჯდება.

„მივიღეთ გადაწყვეტილება, რომ გავაკეთოთ სოციალური საცხოვრისი, რომელის ყოფილი სამშობიაროს ფართში განთავსდება. შესაბამისად ხარჯთარიცხვა უკვე მზადა გვაქვს, გუბერნატორთან არსებულმა საკორდინაციო საბჭომ ეს გადაწყვეტილება მოგვიწონა, პროექტი ინფრასტრუქტურის სამინისტროში გადაგზავნილია. ამავე დროს ვმუშაობთ დონორებთან, თანადაფინასებისთან ერთად იქნებ დონორებიც ვიპოვოთ. იმედი მაქვს, რომ ინფრასტრუქტურის სამინისტრო ჩვენს ამ პროექტს დააფინასებს და ეს პროექტი ითვალისწინებს 19 კეთილმოწყობილი ოჯახის შექმნას“. - აცხადებს ირაკლი კუჭავა.