მებაჟეებმა ნარკოტიკული ნივთიერების შემცველი მედიკამენტის შემოტანა გამოავლინეს

კრიმინალი - 10:23, 13 Jan, 2016

1783

ნარკოტიკული ნივთიერების შემცველი მედიკამენტების შემოტანის შემთხვევები გამოავლინეს მებაჟე-ოფიცრებმა 8 იანვარს, საბაჟო გამშვებ პუნქტზე „ვალე“. კერძოდ, ავტომობილში, რომელსაც ირანის მოქალაქე ჰ.ჰ. მართავდა, ეჭვის საფუძველზე დათვალიერების შედეგად, მათ 10 აბი ნარკოტიკული ნივთიერების შემცველი მედიკამენტი OPIDOL აღმოაჩინეს.

იმავე დღეს, ასევე ირანის მოქალაქე მ.ჰ.-ის კუთვნილი ბარგის ეჭვის საფუძველზე დათვალიერების შედეგად, შემოსავლების სამსახურის თანამშრომლებმა ნარკოტიკული ნივთიერების შემცველი მედიკამენტები DIPHNOKIM - 20 აბი და ACETAMINOPHEN CODEINE- 10 აბი აღმოაჩინეს.

საქმე შემდგომი რეაგირების მიზნით გადაეცა შსს სამცხე-ჯავახეთის პოლიციის დეპარტამენტს.

ნარკოტიკული ნივთიერების შემცველი მედიკამენტის უკანონო შემოტანის მცდელობა გამოვლინდა 11 იანვარსაც, საბაჟო გამშვებ პუნქტზე „სარფი“. თურქეთის რესპუბლიკის მხრიდან შემოსული საქართველოს მოქალაქე ნ.ი.-ის კუთვნილი ბარგის ეჭვის საფუძველზე დათვალიერების შედეგად მებაჟე ოფიცრებმა 39 აბი APRANAX PLUS აღმოაჩინეს.

საქმე შემდგომი რეაგირების მიზნით გადაეცა საქართველოს შსს აჭარის ავტონომიური რესპუბლიკის პოლიციის დეპარტამენტის ხელვაჩაურის რაიონულ სამმართველოს.