"სოცობების პრევენცია თუ თბილისის ბიუჯეტის ფლანგვა?"- ვასო ურუშაძის მიმართვა მერიას

საზოგადოება - 16:07, 12 Jan, 2016

1387

„ეკო ტრანსპორტ ცენტრის“-ს აღმასრულებელი დირექტორი ვასო ურუშაძე თბილისის მერიის მისამართით მიმართვას ავრცელებს. მიმართვის თემა სააკაძის მოედენზე საცობის განტვირთვის მიზნით თბილისის მთავრობის მიერ შემუშავებული პროექტია. ვასო ურუშაძის განცხადებას „ნიუპოსტი“ უცვლელად გთავაზობთ:

„მივმართავ თბილისის მერიას, ამ შემთხვევაში თბილისის ვიცე მერს ლაშა აბაშიძეს.

გუშინ თბილისის მერიაში საცობების პრევენციის პროგრამის პრეზენტაცია გაიმართა, პრეზენტაციის მიხედვით, საცობებისგან განტვირთვის მიზნით, სააკაძის მოედანზე შესაძლოა შუქნიშნები დამონტაჟდეს. აღნიშნული ვარიანტი ერთ-ერთია, რომელსაც საბურთალოს რაიონში საცობების პრობლემის მოსაგვარებლად გერმანული საკონსულტაციო კომპანია თბილისის მერიას სთავაზობს.
პირველ რიგში მინდა გამოვეხმაურო თბილისის მერიის ინიციატივას, საბურთალოს რაიონში, კერძოდ სააკაძის მოედენზე საცობის განტვირთვის მიზნით შუქნიშნების დამონტაჟებას. ეს არის ყველაზე არაეფექტური გამოსავალი აღნიშნულ სიტუაციაში, ნებისმიერი დამატებითი შუქნიშანი ქალაქის საავტომობილო გზებზე ამცირებს ავტოსატრანსპორტო საშუალებების გამტარუნარიანობის კოეფიციანტს და ხელს უწყობს საცობების წარმოქმნას. მეტიც ქალაქში არსებული სატრანსპორტო კვანძები, სადაც მოძრაობა რეგულირდება შუქნიშნებით, უნდა შეიქმნას შესაბამისი ინფრასტრუქტურა, გვირაბებისა და პანდუსების მეშვეობით მოეწყოს ორდონიანი მოძრაობა, რაც მოგვცემს საშუალებას გავაუქმოთ შუქნიშანი და გავზარდოთ აღნიშნული სატრანსპორტო კვანძის გამტარუნარიანობის კოეფიციენტი. ნებისმიერი შემაფერხებელი ბარიერი, რომელიც ზრდის მოძრავი ავტომობილის უქმად მოცდენის დროს, განსაკუთრებით პიკი საათებში პოტენციური საცობების წარმოქმნის მიზეზი ხდება.
შესაბამისად თბილისში აღნიშნული სატრანსორტო კვანძების საცობებისგან განსატვირთად, როგორიცა სააკაძის მოედანი, აუცილებელია სატრანსპორტო ნაკადები, რომლებიც კვეთენ ერთმანეთს, ავარიდოთ და გავზარდოთ გამტარუნარიანობა, ამისთვის როგორც უკვე ავღნიშნე აუცილებელია მოძრაობა მოეწყოს ორ დონეზე. შესაბამისად შუქნიშნის დამონტაჯებით ამ პრობლემას ვერ მოვაგვარებთ და კიდევ უფრო მეტად შევაფერხებთ მოძრაობას, რაც ხელს შეუწყობს სიტუაციის გაუარესებას.
ასევე გვაქვს შეკითხვები თბილისის მერიასთან, თუ რატომ არ იყო კვლევების პროცესში ჩართული ადგილობრივი არასამთავრობო ორგანიზაციები და ექსპერტები, რატომ შეჩერდა არჩევანი კონკრეტულად აღნიშნულ გერმანულ კომპანიაზე, რა კრიტერიუმებით მოხდა მათი შერჩევა, რატომ არ იყო მიწვეული პრეზენტაციაზე ადგილობრივი ორგანიზაციები რომლებიც მუშაობს აღნიშნულ საკითხზე, რატომ გაკეთდა აქცენტი მხოლოდ საბურთალოს რაიონზე? ეს ხომ გლობალური პრობლემაა, რომელიც მხოლოდ ერთი რაიონით ვერ მოგვარდება.
აღნიშნული მცდელობა თბილისის მერია ქონდა 2014 წელსაც, როცა ჩამოიყვანეს დუბლინელი ექსპერტები, თუმცა ვნახეთ რომ მათ რეკომენდაციებს არანაირი შედეგი არ მოჰყოლია და სიტუაცია კიდევ უფრო გაუარესდა. რეალურად მივიღეთ თბილისის მერია რომელიც არ ითვალისწინებს ადგილობრივი არასამთავრობო ორგანიზაციების და ექსპერტების რეკომენდაციებს და ბიუჯეტის ფულს ფლანგავს საერთაშორისო კომპანიების დაქირავებაში, რაც საბოლოო ჯამში არაფრის მომცემია.
შესაბამისად ჩვენ გვაქვს საფუძვლიანი ეჭვი, რომ ამ კომპანიის უკან გარკვეული ინტერესები შეიძლება იდგეს ხელისუფლების მხრიდან, ბუნდოვანია აღნიშნული კომპანიის შერჩევის კრიტერიუმები, თუ რა პრინციპებიდან გამომდინარე შეარჩია თბილისის მერია აღნიშნული კომპანია, ფაქტი ერთია, არნიშნული კომპანიის რეკომენდაციები შუქნიშნების დამონტაჟებასთან დაკავშირებით საცობების განმუხტვის მიზნით ყოველვარ ლოგიკას არის მოკლებული და ამას ნებისმიერი ექსპერტი ტრანსპორტის დარგში დაგიდასტურებთ.
ჩვენ მოვითხოვთ თბილისის მერიისგან გასაჯაროვდეს “A+C” კონსანტილგურ კომპანიასთან დადებული ხელშეკრულება, პროექტის ღირებულება და აღნიშნული კომპანიის მიერ შემუშავებული კვლების შედეგების და რეკომენდაციების დოკუმენტი.“- აღნიშნულია მიმართვაში.