მამუკა ბერია მონაწილეობას მიიღებს სოხუმის უნივერსიტეტის ადმინისტრაციის ხელმძღვანელის თანამდებობაზე გამოცხადებულ კონკურში

საზოგადოება - 15:14, 12 Jan, 2016

2023

სოხუმის სახელმწიფო უნივერსიტეტის ადმინისტრაციის ხელმძღვანელის თანამდებობის დასაკავებლად გამოცხადებულ კონკურსში განაცხადი შეიტანა ამავე უნივერსიტეტის სოციალურ და პოლიტიკურ მეცნიერებათა ფაკულტეტის პოლიტიკურ მეცნიერებათა მიმართულების ასისტენტ-პროფესორმა მამუკა ბერიამ.

მამუკა ბერია არის აფხაზეთის მკვიდრი, 1992-1993 წწ.რუსეთ-საქართველოს ომის ვეტერანი, მოძრაობა ,,დაბრუნების“ დამფუძნებელი და გამგეობის წევრი, პლატფორმა ,,აფხაზთა კრების“ დამფუძნებელი და საორგანიზაციო ჯგუფის წევრი; სოხუმის სახელმწიფო უნივერსიტეტში მუშაობს 2006 წლიდან; უძღვება სალექციო კურსებს: ,,ქართული პოლიტიკური აზრი“, ,,პოლიტიკური იდეოლოგიები“, ,,გლობალიზაცია და ერი-სახელმწიფო“.

უნივერსიტეტის აკადემიური საბჭო პრეტენდენტებთან გასაუბრებას აწარმოებს 2016 წლის 25 იანვრიდან 5 თებერვლამდე და ერთი კანდიდატურას წარმომადგენლობით საბჭოს დასამტკიცებლად წარუდგენს არუგვიანეს 18 თებერვლისა.

უნივერსიტეტის ადმინისტრაციის ხელმძღვანელის თანამდებობაზე დარეგისტრირებულია კიდევ სამი პრეტენდენტი: შოთა ახალაია - სოხუმის სახელმწიფო უნივერსიტეტის ადმინისტრაციის ამჟამინდელი ხელმძღვანელი, ნინო თოფურიძე - ასოცირებული პროფესორი და რაიბულ ქირია საზოგადოებათან ურთიერთობის სამსახურის უფროსი.