ხმაური და დაპირისპირება იყო ქარელის მუნიციპალიტეტის დაბა აგარაში. ერთ-ერთ მრავალბინიან კორპუსში, ორი ქალბატონი ერთმანეთს საცხოვრებელი ბინის გამო დაუპირისპირდა.

როგორც ადგილობრივი მაცხოვრებლები ,,ნიუპოსტს“ უყვებიან, ქართულ-ოსური კონფლიქტის დროს ბაგიევების ოჯახი საცხოვრებლად ორჯონიკიძეში წავიდა და ბინა დროებით მეზობელ ჭიღლაძეებს დაუტოვა, ახლა კი ბაგიევებმა ბინის დაბრუნება სცადეს, თუმცა მათ ამის უფლება ჭიღლაძეების ოჯახის ნათესავმა ხათუნა ჩხიკვაძემ არ მისცა და პოლიციას გამოუძახა.

მათუ თქმით, ამის შემდეგ სამართალდამცავებმა საქმის გარკვევის მიზნით რამდენიმე ადამიანი დაკითხეს. ელზა ბაგიევს, რომელიც ბინის დაბრუნებას ცდილობს ძველი ჩანაწერები აქვს, რომელთა მიხედვითაც ბინა მისი ოჯახის საკუთრებაა. ის სარჩელის მომზადებას და სასამართლოში შეტანას გეგმავს, ხათუნა ჩხიკვაძე ჟურნალისტებთან კომენტარს არ აკეთებს.