ნახატი, რომელზეც კულტურის სამინისტროში შექმნილმა კომისიამ 2010 წლის დეკემბერში შეისწავლა, ანტონ ვან დეიკს არ ეკუთვნის.

ამის შესახებ „კურიერთან“ საუბრისას დალი ლებანიძემ განაცხადა, რომელიც იმ კომისიის წევრი იყო, რომელმაც 2010 წელს ტილო შეისწავლა.

"კიდევ ერთხელ გადავხედეთ ნამუშევრის ფოტოებს და კიდევ ერთხელ შემიძლია ვთქვა, რომ ეს არის უგემოვნო დაუსრულებელი ნახატი, რომელიც არანაირად არ ჰგავს ვან დეიკის არც სტილს და არც ხელწერას არ გავს. ვან დეიკი რომ ყოფილიყო ცოტა მეტ ყურადღებას დაიმსახურებდა ნამდვილად",- აცხადებს ლებანიძე.

შეგახსენებთ, კულტურის სამინისტროში იპოვეს დოკუმენტი, რომელიც ადასტურებს, რომ ანტონ ვან დეიკის ტილო საქართველოდან გავიდა.

არქივში ნაპოვნია დოკუმენტი, რომლის საფუძველზეც ტილოს ქვეყნიდან გატანის ნებართვაა გაცემული.

როგორც ცნობილია, ნებართვის გაცემაზე 10 კაციანი კომისია მუშაობდა და მათ შორის იყვნენ ხელოვნებთმცოდნეები. თუმცა დოკუმენტში, რომელიც დათარიღებულია 2010 წლის დეკემბრით, მხატვრის ვინაობა მითითებული არ არის. ტილოს შექმნის ადგილად ევროპაა მითითებული.