დასავლეთ საქართველოში დიდთოვლობის გამო მიყენებული ზარალის დათვლა დასრულდა. ყველაზე მეტად ზიანი სამეგრელო-ზემო სვანეთის რეგიონს მიადგა. სტიქიით მიყენებულმა ზარალმა იქ 1 მილიონ 495 ათასი ლარს მიაღწია.

დიდი ზარალი ნახა წალენიჯიხის მუნიციპალიტეტმა. აქ ზარალის ოდენობამ 450 ათას ლარს გადააჭარბა.

„უხვმა ნალექმა დააზიანა ინფრასტრუქტურული ობიექტები, კერძოდ, საცხოვრებელი სახლები, საბავშვო ბაღები, ადმინისტრაციული შენობები. მონაცემები ინფრასტრუქტურის სამინისტროში გაიგზავნება და თანხების გამოყოფა სავარაუდოდ, მომავალ კვირას მოხდება“, - ამბოობს წალენჯიხის მუნიციპალიტეტის გამგებელი გოჩა გულორდავა.

75 ათასი შეადგინა ზარალმა ჩხოროწყუს რაიონში.

„დიდთოვლობის შედეგად ჩხოროწყუს მუნუციპალიტეტიში დაზიანდა რამოდენიმე ათეული სახლი, ეს ძირითადად შეეხება კერძო სახლებს. მიზეზი არის მოძველებული სახურავი“, - აღნიშნა ჩხოროწყუს მუნიციპალიტეტის გამგებელმა დათო გოგუამ.

რაც შეეხება ზუგდიდს, აქ ზარალის ოდენობა 300 ათასი ლარია, ხოლო ზუგდიდის მუნიციპალიტეტში - 270 ათასი ლარი. 400 ათასი ლარამდეა ზარალი ხობის მუნიციპალიტეტში.