"ნიუპოსტის" სპეციალური განცხადება

საზოგადოება - 18:11, 08 Jan, 2016

8220

საინფორმაციო სააგენტო „ნიუპოსტის“ რედაქცია შეშფოთებას გამოთქვამს ჩვენი ჟურნალისტების მიმართ განხორციელებული მუქარის შემცველი ზარებისა და მოკლეტექსტური შეტყობინების გამო.

მოგეხსენებათ, ერთ-ერთი წამყვანი მედიასაშუალება „ნიუპოსტის“ თანამშრომლები ქვეყანაში და მის ფარგლებს გარეთ მომხდარ პოლიტიკურ თუ კრიმინალურ ფაქტებს ყოველდღიურ რეჟიმში ობიექტურად აშუქებენ.

თუმცა, ბოლო დროს ზოგიერთი მოქალაქის გაღიზიანებას იწვევს კრიმინალური შემთხვევების შესახებ ჩვენს საიტზე გამოქვეყნებული მასალები.

ზოგიერთი მათგანი არ ერიდება სატელეფონო მუქარას და სტატიის ავტორს სიცოცხლის ხელყოფით ემუქრება.

მუქრის ფაქტების გახშირების გამო, „ნიუპოსტის“ რედაქციამ მიზანშეწონილად ჩათვალა, გაასაჯაროვოს აღნიშნული ფაქტი და გამაფრთხილებელი განცხადებით უპასუხოს ყოველგვარ მუქარას.

ვიმედოვნებთ, რომ ჩვენი ჟურნალისტების უსაფრთხოება დაცული იქნება.

მუქარის ავტორებს კი შევახსენებთ, რომ მედიასაშუალების მიმართ განხორციელებული მუქარა სისხლის სამართლის დანაშაულია და დასჯად ქმედებას წარმოადგენს.

მიუხედავად ზემოთაღნიშნულისა, „ნიუპოსტის“ გუნდი ჩვეულ რეჟიმში განაგრძობს პროფესიული მოვალეობის შესრულებას.