მუსიკოსი, ზაზა კორინთელი, იგივე ზუმბა დაბადების დღის 42 წელს კალიფორნიაში აღნიშნავს. მართალია მისი დაბადების დღე იქ ჯერ არ დამდგარა და რამდენიმე საათში იქნება იუბილარი, თუმცა ყველაფერი დაგეგმილი აქვს: „ჯერ აქ ღამეა. დილას გათენდება ჩემი დაბადების დღე და მერე ჩემი ჯგუფის წევრებთან და აქაურ მეგობრებთან ერთად შევიკრიბებით. პირველებმა თბილისიდან მომილოცეს ოჯახის წევრებმა. ახლაც ძალიან ბევრი ადამიანი მილოცავს და ყველას მინდა ვუპასუხო, მოვეფერო“- აღნიშნა ზუმბამ „ნიუპოსტთან“ საუბრისას.

შეგახსენებთ რომ ზაზა ზუმბა კორინთელი ამერიკაში "ზუმბალენდთან" ერთად მაისის თვეში გაემგზავრა. ნიუ-იორკში და ფილადელფიაში გამართული კონცერტების შემდეგ ჯგუფი საქართველოში დაბრუნდა, ხოლო ზუმბა კალიფორნიაში გაემგზავრა და ახალი ჯგუფი „New Cali ZumbaLand“ შეკრიბა.