"გვცემეს და გვაგინებდნენ "- არასრულწლოვნები პოლიციას ძალადობაში ადანაშაულებენ

კრიმინალი - 11:36, 28 Dec, 2015

1733

შინაგან საქმეთა სამინისტრო კატეგორიულად უარყოფს მოქალაქე თენგო გამეზარდაშვილისა და მასთან ერთად განყოფილებაში წაყვანილი ორი არასრულწლოვანის ცემის ფაქტს.
როგორც "ნიუპოსტს" უწყების პრესსამსახურში განუცხადეს, ახალგაზრდები პოლიციის შენობაში ნამდილად გადაიყვანეს, თუმცა პოლიციელთა მხრიდან ცემას და სიტყვიერ შეურაცხყოფას ადგილი არ ჰქონია.

"პოლიცოამ ისინი კონკრეტული ფაქტის გადასამოქმებლად წაიყვანა განყოფილებაში, რაც შეეხება ერთ-ერთი მოქალაქის ბრალდებას მსგავსი რამ არ მომხდარა"- აცხადებენ შს სამინისტროში.
მათი თქმით, თუ ოჯახებს რაიმე პრეტენზია აქვს, შეუძლიათ, რომ გენერალურ ინსპექციას მიმართონ.
რადიკალურად განსხვავებულ ინფორმაციას ავრცელებს თერჯოლის მკვიდრი თენგო გამეზარდაშვილი, რომელიც აცხადებს, რომ საღამოს საათებში ის და მისი ორი მეგობარი ქუჩაში იყვნენ, მოულოდნელად კი მათთან სამართალდამცველი მივიდა და პოლიციის განყოფილებაში წაიყვანეს.
არასრულწლოვანი ყვება, რომ დაკავებულებისგან უჩა გავაშელაშვილი მაღაზიის ძარცვის საკუთარ თავზე აღებას მოითხოვდა, წინააღმდეგ შემთხვევაში კი პრობლემების შექმნით ემუქრებოდა.
მისივე თქმით, უარის თქმის შემდეგ მათ განყოფილებაში ფიზიკურად გაუსწორდნენ.

"მე, რომ ვუთხარი მაღაზიის ძარცვა რა შუაშია, უბრალოდ 3 ახალგაზრდა ქუჩაში ვიდექით და მეგობრებს ველოდებითთქო, მან მიპასუხა, რომ თუ არ იტყოდნენ, რომ მაღაზიის ძარცვა სურდათ, ტომარას აიღებდა, მასში სიგარეტების კოლოფებსა და ლუდის ბოთლებს ჩაყრიდა და ძარცვას დააბრალებდა. ჩვენ ვეუბნებოდით, რატომ გვაბრალებთ არაფერ შუაში არ ვართთქო და მათ ამის შემდეგ ცემა და გინებები დაგვიწყეს. ღამის 9 საათზე აყვანილები დილის 5 საათზე გამოგვყარეს პოლიციის შენობიდან"- ამბობს უჩა გავაშელაშვილი.