მსახიობი და ტელე-რადიოწამყვანი, მირიან-მიკი ჯეჯელავა უკვე დიდი ხანია ყურეადღების ცენტრშია და უამრავი თაყვანისმცემელი ჰყავს, უფრო სწორად ფანი. მის წარმატებაში მცირედი წვლილი ჯუდ ლოუსაც მიუძღვის, რადგან ისინი ძალიან ჰგვანან ერთმანეთს და ქართველი მსახიობი მის ორეულადაც კი მონათლეს.

„პირველ ყოვლისა, მიხარია, რომ ძალიან კარგ მსახიობს მადარებენ. ჯუდ ლოუ ერთ-ერთი ყველაზე ნიჭიერი მსახიობია მსოფლიოში. პირველი მიზეზი, რატომაც მიმიწვიეს ტელეგადაცემაში, ჯუდ ლოუსთან მსგავსება იყო. მიუხედავად ამ ყველაფრისა, გული მწყდებოდა, რომ ამ მსგავსებით ინტერესდებოდა ხალხი ჩემით და არა იმით, რომ მე თავად ვიყავი მსახიობი; რომ მე ვმუშაობდი რადიოში, ტელევიზიაში და ასე შემდეგ “- ამბობს მირიან ჯეჯელავა ნიუპოსტთან საუბრისას.