ახალ წელს მეტროპოლიტენითა და რიყე-ნარიყალა საბაგიროთი სარგებლობა უფასო იქნება. ამის შესახებ თბილისის მერმა დავით ნარმანიამ დედაქალაქის მთავრობის დღევანდელ სხდომაზე განაცხადა.

„სადღესასწაულო დღეებთან დაკავშირებით მეტრო და საბაგირო გზა რიყე-ნარიყალა გახანგრძლივებული გრაფიკით იმუშავებს და უფასო იქნება. კერძოდ, 31 დეკემბრის 23:00 საათიდან 2016 წლის პირველი იანვრის 04:00 საათამდე, ასევე შობას.... 2016 წლის 6 იანვრის 23:00 საათიდან 2016 წლის 7 იანვრის 04:00 საათამდე მეტროთი მგზავრობა უფასო იქნება. ასევე უფასო იქნება საბაგირო გზით გადაადგილება 31 დეკემბრის 23:00 საათიდან 2016 წლის 1-ლი იანვრის 03:00 საათამდე“, - აღნიშნა ნარმანიამ.