წმინდა სინოდის სხდომაზე მართლმადიდებელმა ეკლესიამ რამდენიმე პირი წმინდანად შერაცხა. ამის შესახებ საპატრიარქოში გამართული სხდომის შემდეგ წილკნის მიტროპოლიტმა ზოსიმემ განაცხადა.

"წმინდა სიდონია, რომელმაც უფლის კვართი გულში ჩაიკრა და სვეტიცხოველში განისვენებს, მისი დედა სინოდის სხდომამ წმინდანად შერაცხა, ილია მართლის ხსენება ორჯერ განაწესა. ასევე კიდევ ერთი ახალი წმინდანი შერაცხეს", - განაცხადა მეუფემ.

მეუფის განცხადებით, სხდომაზე ასევე საუბარი შეეხო მეუფე სპირიდონის ყოფილ ეპარქიაში შექმნილ ვითარებას.

"გადაიხედება ეს საკითხები და თანხების გადანაწილება მოხდება. ეს საკითხი სხდომაზეც განხილული იყო. ასევე შევეხეთ განათლების საკითხებს, როგორ უნდა გაიზარდოს განათლება ეკლესიებში და რა უნდა გაკეთდეს ამისთვის", - აღნიშნა მეუფემ.

წმინდა სინოდის განჩინების ტექსტი მოგვიანებით გამოქვეყნდება.