ქართული ღვინის პერსპექტივა ჩინურ ბაზარზე

ბიზნესი & ეკონომიკა - 19:57, 21 Dec, 2015

1434

ჩინეთში ქართულმა დელეგაციამ საპარტნიორო ფონდის აღმასრულებელი დირექტორის ხელმძღვანელობით შეხვედრა გამართა ჩინეთის ეროვნული ინტელექტუალური საკუთრების უფლებათა დაცვის უწყებაში. მხარეებმა სურვილი გამოთქვეს სხვადასხვა პროექტებში ერთობლივ თანამშრომლობაზე. განიხილეს ქართული ღვინის ადგილწარმოშობის დასახელების ჩინეთში რეგისტრაციის ხელშეწყობის საკითხიც. დელეგაციის წევრები ჭუხაის „თუნგლინგი“-ის საერთაშორისო ვაჭრობისა და ღვინის ინდუსტრიულ კორპორაციას ესტუმრნენ. კორპორაცია პროვინციაში ღვინის უმსხვილესი იმპორტიორია. კორპორაციის გენერალური მდივანი ტაი ლი ძუანი მიესალმა ქართული ღვინის რეგიონში შეტანის იდეას და ქართული მხარე საერთაშორისო ექსპოზიციაზე მიიწვია, სადაც შესაძლებელი იქნება ქართული კულტურის წარდგენა ფართო საზოგადოებისათვის და ღვინის დეგუსტაცია.

ოფიციალური შეხვერდა გაიმართა ასევე, ჭუხაის მუნიციპალური კომიტეტის გენერალურ მდივანთან ჭაო ძიენკუოსთან, შეხვედრას ესწრებოდნენ საგარეო საქმეთა დეპარტამენტის დირექტორი ჭოუ ძიენჩუნი, ხენგცინის ადმინისტაციული კომიტეტის დირექტორი ჭ’ მაძიანი და სხვა სამთავრობო პირები. შეხვედრაზე განიხილეს ღვინის კუანტუნის პროვინციაში შეტანის საკითხი, გამოითქვა ქალაქ ჭუხაისა და ანაკლიის დაახლოების სურვილიც, მხარეებმა, კიდევ ერთელ, სამომავლო პროექტებში თანამშრომლობისათვის მზაობა გამოთქვეს.