ჩინეთში ვიზიტისას საპარტნირ ფონდის აღმასრულებელი დირექტორის დავით საგანელიძის ხელმძღვანელობით ქართულმა დელეგაციამ შეხვედრები სხვადასხვა პროვინციებში გამართა. დელეგაციის წევრებმა ჩინეთის სახალხო რესპუბლიკაში რამდენიმე საწარმო და მეურნეობა მოინახულეს. კუანტუნის პროვინციის ქალაქ ჭუხაიში დელეგაციამ პირველი შეხვედრა თაივანის ინდუსტრიული ზონის ხელმღვანელთან გამართა. დელეგაციამ დაათვალიერა აგრარული მეურნეობა და სათბურები, ასევე გაეცნო ტექნოპარკის კონცეფციას.

საქართველოს პარლამეტის აგრარული კომიტეტის თავმჯდომარემ გელა სამხარაულმა და საპარტნიორო ფონდის თავმჯდომარემ დავით საგანელიძემ ჩინურ მხარესთან ერთად განიხილეს მომავალი თანამშრომლობის პერსპერქტივები და ახალი პროექტების შემთხვევაში თანადგომაც მიიღეს. დელეგაციის წევრები იახტების სამშენებლო კომპანიასაც ესტუმრნენ. კომპანიის წარმომადგნელები დავით საგანელიძის ინიციატივას ანაკლიაში იახტების საწარმოს მშენებლობასთან დაკავშირებით მიესალმნენ და გამოხატეს მზაობა თანამშრომლობისათვის. შეხვედრა შედგა ქალაქ ჭუხაის დაგეგმარებისა და განვითარების მუზეუმშიც. დელეგაციის წევრები ქალაქის ეტაპორბივი განვითარების ისტორიას და კონცეფციას გაეცნენ. რის შემდგომაც, ქალაქის ვიცე მერთან ერთად დაათვალიერეს ყველაზე დიდი ეკოპარკი. საკრებულოს წევრის ნინო გოგუაძის შეთავაზებას ანალოგიური პროექტების შემთხვევაში ჩინური მხარის დახმარებასთან დაკავშირებით ჭუხაის ვიცე მერი დადებითად გამოეხმაურა.

დელეგაციამ დასკვნითი შეხვედრა კუანტუნის პროვინციის ქალაქ შენჭენში გამართა. შეხვედრა გაიმართა ქალაქის უმსხვილეს სატელეკომუნიკაციო ინოვაციების კომპანია ZTE-სთან. საპარტნიორო ფონდის თავმჯდომარე დავით საგანელიძისა და კომპანიის გენერალურ დირექტორ იანგძინის მიერ ხელი მოეწერა თანამშრომლობის მემორანდუმს. კომპანია მზად არის საპარტნიორო ფონდთან ერთად საქართველოში დაიწყოს ინოვაციური ტექნოლოგიების განხორციელება და დანერგვა.