„ნაციონალური მოძრაობის“ წევრს ლევან ბეჟაშვილს თავს დაესხნენ. შემთხვევა გუშინ, გვიან ღამით თბილისის საერთაშორისო აეროპორტში მოხდა. კიევიდან დაბრუნებულ დეპუტატს ჯერ სიტყვიერი, შემდეგ კი ფიზიკური შეურაცხყოფა მიაყენეს.

"პოლიტიკურ ლიდერებზე ხდება თავდასხმა. ეს წახალისებულია ხელისუფლებისგან და არაფერი კეთდება იმისათვის, რომ ქვეყანაში სტაბილურობა იყოს, კრიმინალთან ბრძოლა ხდებოდეს", - განაცხადა ლევან ბეჟაშვილმა.

პოლიციამ თავდასხმაში მონაწილე ორი პირი უკვე დააკავა. მომხდარზე გამოძიება ცემის მუხლით მიმდინარეობს.