თბილისის მერმა დავით ნარმანიამ და ბრიტანეთის ელჩმა საქართველოში ალექსანდრა ჰოლ ჰოლმა 13 ივნისის სტიქიით დაზარალებული მამულაშვილების ოჯახი მოინახულეს.

ბრიტანეთის ელჩმა დაზარალებულებს საყოფაცხოვრებო ტექნიკა, სასურსათო ვაუჩერი და საახალწლო საჩუქრები გადასცა.

„ბრიტანეთის საელჩოს დახმარება კიდევ ერთი გამოხატულებაა იმისა, რომ ყველანი ერთად გავერთიანდით ამ ადამიანების მხარდასაჭერად, ხელისუფლება, მოქალაქეები, ბიზნეს-სექტორი და საერთაშორისო საზოგადოება. მინდა მადლობა გადავუხადო ყველას, ვინც ჩართული იყო ამ ადამიანების მხარდაჭერაში“, - განაცხადა დავით ნარმანიამ.

ბრიტანეთის საელჩოსგან დახმარებას 13 ივნისის სტიქიით დაზარალებული ექვსი სოციალურად დაუცველი ოჯახი მიიღებს.