ქალს არ უნდა დასჭირდეს იმის თქმა, რომ მტვერი გადაწმინდოს- ნოდიკო ტატიშვილი

საზოგადოება - 14:18, 17 Dec, 2015

2428

ნოდიკო ტატიშვილი სასურველი მეორე ნახევრის შესახებ ჟურნალ „სარკესთან“ საუბრობს.

-ვფიქრობ, რომ ქალი უნდა იყოს ქალური, ის უნდა ჰგავდეს ქალს და არა არაქალს. ყველა ქალი არ არის ნაზი. ადრე ვფიქრობდი, რომ შინაგანი სამყარო იყო მთავარი, მაგრამ მას მერე, რაც გავიზარდე, მივხვდი, რომ ასე არ არის.

ქალთან ურთიერთობას იწყებ იმიტომ, რომ კარგად გამოიყურება. ვიზუალურ მხარეს დიდ ყურადღებას ვაქცევ, თუმცა შეიძლება, ვინც ჩემთვის ლამაზია, სხვისთვის სულაც არ იყოს ლამაზი. სექსუალური უნდა იყოს და არა - ვულგარული. ქალს რომ ყველაფერი უჩანს, არ მომწონს. მიუწვდომელი ქალები მომწონს, ყველა თვალსაზრისით. მიყვარს, როცა მისთვის ვიბრძვი და მიყვარს, როცა ქალი მაწვალებს.

- რა მოთხოვნები გექნებათ იმ ქალის მიმართ, ვინც თქვენი მეორე ნახევარი გახდება?

- გამზარდა დედამ, რომელიც არასდროს მაკლებს მოვლა-პატრონობას, გემრიელ სადილ-ვახშმებს. ჩემ უზარმაზარ გარდერობში რომ შეიხედოთ, გესიამოვნებათ. სასცენო სამოსი და ფეხსაცმელები ერთად არის მოთავსებული, ყოველდღიური - ერთად.

რადგან ამ ყველაფერს შეჩვეული ვარ, ჩემ ცოლსაც იმავეს მოვთხოვ. მას ამისთვის დამხმარე ქალი არ უნდა დასჭირდეს. ცოლის მზრუნველობა ბევრად მაგარია, ვიდრე უცხო ქალის, რომელიც კვირაში ერთხელ მოდის და შენს ნივთებს აწესრიგებს. სიყვარული მძაფრდება მაშინ, როცა ხედავ, საყვარელი ქალი როგორ გივლის და გეფოფინება. ქალი არ უნდა იყოს ფეთხუმი.

პედანტი ვარ და შეიძლება ამის გამო, გავშორდე. ყველაფერი ესთეტიკურად უნდა გამოიყურებოდეს. ქალს არ უნდა დასჭირდეს იმის თქმა, რომ მტვერი გადაწმინდოს. რა მკაცრი ქმარი ვიქნები წარმოგიდგენიათ? მკაცრი რომ არ ვიყო, ჩემმა ცოლმა ყველა ეს მოთხოვნა უნდა დააკმაყოფილოს."- აცხადებს ნოდიკო ტატიშვილი.

წყარო "სარკე"