ფრანგმა მებაჟეებმა მოლდოვის დროშის ქვეშ მცურავ გემზე- "Carib Palm" რეკორდული რაოდენობის 2.4 ტონა კოკაინი აღმოაჩინეს, რომლის საერთო ღირებულება 50 მილიონი ევროა. გემი კოლუმბიიდან პოლონეთის ქალაქ გდანსკში რემონტისთვის მიცურავდა. ის ლა მანშის სრუტეში გააჩერეს და საფრანგეთის პორტ ბულონში გადაიყვანეს.

გემის კაპიტანი საქართველოს მოქალაქე ბადრი ბერიძეა, ხოლო ეკიპაჟის წევრებს შორის საქართველოს, თურქეთის და უკრაინის მოქალაქეები არიან. ეკიპაჟის 12-ვე დაკავებულ წევრს საფრანგეთში გაასამართლებენ.

კაპიტან ბადრი ბერიძის შვილი გიორგი ბერიძე აცხადებს, რომ მამასთან კავშირი 10 დეკემბრის შემდეგ არ ჰქონია. ოჯახი საგარეო საქმეთა სამინისტრის დახმარებას სთხოვს.