ბათუმის დედათა და ბავშვთა ჯანმრთელობის დაცვის ცენტრში 15 დეკემბერს ქუნთრუშას დიაგნოზით 6 წლის ბავშვი დაიღუპა. ინფორმაციას „ბათუმელები“ ავრცელებს. ბავშვი შუახევის სოფელ მაწყვალთიდან სამედიცინო ცენტრში გადაყვანის შემდეგ ხუთ საათში გარდაიცვალა.

აჭარის საზოგადოებრივი ჯანდაცვის ცენტრის დირექტორის მოადგილის ნინო ნიჟარაძის თქმით, გარდაცვლილ ბავშვს ოჯახის ექიმის მიერ წითელას დიაგნოზი ჰქონდა დადგენილი, თუმცა ბათუმის დედათა და ბავშვთა ცენტრში მძიმე სეფტიურ-ტოქსიური შოკით ქუნთრუშა დაუდგინეს.

ანგისაში მდებარე დედათა და ბავშვთა ჯანმრთელობის დაცვის ცენტრში 15 დეკემბერს გარდაცვლილი ბავშვის ოჯახიდან კიდევ ორი მცირეწლოვანი მიიყვანეს, მაღალი სიცხითა და ოტიტით (ყურის ანთებით).

მასალა ვრცლად იხილეთ ბმულზე: "ბათუმელები"