უკვე ცნობილია თუ ვინ წარადგენს საქართველოს ევროვიზიის კონკურსზე. 2016 წლის ევროვიზიის სიმღერის კონკურსზე საქართველოს ნიკა კოჩაროვი & Young Georgian Lolitaz წარადგენენ. სიმღერა სპეციალურად შემსრულებლებისთვის უნდა შეიქმნას. უკვე გამოცხადდა კონკურსი, რომელიც 8 იანვრის ჩათვლით გაგრძელდება. რაც შეეხება სიმღერის ჟანრს, უნდა იყოს ალტერნატიული და ინდი როკის მიქსი ელექტრონული მუსიკის ელემენტებით. სიმღერა არ უნდა აღემატებოდეს 3 წუთს. შეირჩევა 5 სიმღერა, მათ შორის საუკეთესოს კომპეტენტური ჟიური და მაყურებელი გამოავლენენ. სწორედ ამ სიმღერით წარდგებიან 2016 წლის ევროვიზიის სიმღერის კონკურსზე ნიკა კოჩაროვი & Young Georgian Lolitaz. შეგახსენებთ, რომ ევროვიზია 2016 შვედეთში გაიმართება, რომლის ფინალიც 14 მაისს გაიმართება.