იაშვილში მცირეწლოვანი მოათავსეს, რომელმაც ბურბუშელასთან ერთად ასაფეთქებელი შეჭამა

საზოგადოება - 21:07, 14 Dec, 2015

8044

სურსათის ეროვნულმა სააგენტომ იაშვილის სახელობის ბავშვთა კლინიკიდან ინფორმაცია მიიღო, რომლის მიხედვითაც, კლინიკაში მცირეწლოვანი მოათავსეს, რომელმაც ბურბუშელაში საჩუქრის სახით მოთავსებული პიროტექნიკა შეჭამა.
როგორც "ნიუპოსტს" სურსათის ეროვნული სააგენტოდან აცნობეს, ისინი იაშვილის სახელობის ბავშვთა კლინიკიდან შესულ შეტყობინებას უკვე სწავლობენ.
მათი ინფორმაციით, სააგენტომ მიიღო შეტყობინება იმის შესახებ, რომ შეძენილ იქნა ბურბუშელა "მინსტერი" საჩუქრით, რომელშიც საახალწლო საჩუქრის სახით პიროტექნიკა იყო მოთავსებული, რომელიც მცირეწლოვანმა ბურბუშელასთან ერთად შეჭამა.
"სურსათის ეროვნული სააგენტო აღნიშნულ ფაქტს სწავლობს. ამავე დროს, მოსახელობას მოუწოდებს სიფრთხილისკენ და მსგავსი ფაქტების აღმოჩენის შემთხვევაში მიმართავს, დაუკვშირდნენ სურსათის ეროვნულ სააგენტოს ცხელ ხაზზე - 91 91 68, ან 91 91 67", - ნათქვამია სურსათის ეროვნული სააგენტოს განცხადებაში.

ამასთან, სურსათის ეროვნული სააგენტო მშობლებს სიფრთხლისკენ მოუწოდებს. როგორც სააგენტოში აცხადებენ, დაუშვებელია სურსათთან რაიმე სახის სხვა ნივთიერებების რეალიზება და შენახვა.

როგორც "ნიუპოსტმა" იაშვილის კლინიკაში გაარკვია, პაციენტი 2 წლისაა. მისი ჯანმრთელობის მდგომარეობა კი დამაკმაყოფილებელია.
მედიკოსთა თქმით, ბავშვმა პიროტექნიკა დაღეჭვის გარეშე გადაყლაპა.
როგორც იაშვილის სახელობის ბავშვთა საავადმყოფოში განაცხადეს, შესაბამისი მკურნალობის შემდეგ მცირეწლოვანი სახლში გაწერეს.