ბათუმის საქალაქო სასამართლოსთან საპროტესტო აქცია გაიმართა. ადგილზე ავტოავარიის შედეგად დაღუპული პოლიციელის ოჯახის წევრები და ახლობლები შეიკრიბნენ. ისინი მოსამართლე ვიოლეტა ფორჩხიძისთვის საქმიანობის უფლების ჩამორთმევას ითხოვენ.

მათი პროტესტის მიზეზი ის ფაქტი გახდა, რომ მოსამართლემ 26 წლის მანუჩარ კოჩალიძის მკვლელობაში ბრალდებულის წინასწარი პატიმრობიდან გაათავისუფლა.

როგორც საქალაქო სასამართლოსთან შეკრებილები აცხადებენ, გურამ ბორცვაძემ მძიმედ დაშავებული პოლიციელი ადგილზე მიატოვა და მიიმალა, რის შემდეგაც ის გორში დააკავეს. როგორც გარდაცვლილის მამამ მურმან კოჩალიძემ ჟურნალისტებს განუცხადა, ბორცვაძეს მაღალჩინოსანი მფარველობს.