დაძაბული სიტუაციაა ამ წუთებში ოზურგეთის მუნიციპალიტეტის ზემო ნატანებში.

ადგილობრივი მოსახლეობა სოფელში გაზიფიცირების არასწორად წარმოებას დილიდან გამართულ აქციაზე აპროტესტებს.

ადგილზე სიტუაცია იმდენად დაიძაბა, რომ გაზის სამუშაოების მწარმოებელ კომპანიის თანამშრომლებსა და მოსახლეობას შორის ფიზიკურ დაპისირისპირებას ჰქონდა ადგილი.

როგორც ჩვენი კორესპოდენტი ადგილიდან იუწყება, თავდაპირველად კომპანიის წარმომადგენელმა ადგილობრივებს სიტყვიერი შეურაცხყოფა მიაყენა, რასაც ფიზიკური შეხლა-შემოხლა მოჰყვა. ნაცემია გაზიფიკაციის სამუშაოების მწარმოებელი კომპანიის ხელმძღვანელი დავით სიდამონიძე.

ადგილობრივები მიმდინარე სამუშაოების გამო გადათხრილ გზებს და ამის გამო სოფელში შექმნილ გაუსაძლის მდგომარობას აპროტესტებს.

მიმდინარე სამუშაოებს ნატანებში STS-ჯგუფი აწარმოებს და პროექტის ღირებულება 7 მილიონ ლარს შეადგენს. კომპანიის ხელმძღვანელთა განცხადებით, სამუშაოები დეკემბრის ბოლომდე დასრულდება.