ანსამბლმა „ფორტემ“ ესტუმრა ქალი მსჯავრდებულებისთვის კონცერტი გამართა

საზოგადოება - 09:50, 11 Dec, 2015

1044

სასჯელაღსრულებისა და პრობაციის სამინისტროს N-5 (ქალთა) დაწესებულებას ანსამბლი „ფორტე“ ესტუმრა და კონცერტი გამართა. ღონისძიება სასჯელაღსრულებისა და პრობაციის სამინისტროს ინიციატივით, ქალი მსჯავრდებულების რეაბილიტაცია-რესოციალიზაციის მიზნით განხორციელდა.

„ფორტეს“ წევრებმა საკუთარი რეპერტუარიდან ცნობილი სიმღერები შეასრულეს, მსჯავრდებულების კითხვებს უპასუხეს და საკუთარი მოღვაწეობის სხვადსხვა პერიოდი გაიხსენეს. ანსამბლის წევრებმა მსჯავრდებულების მიერ შესრულებულ სიმღერებს მოუსმინეს და მათთან ერთად რამდენიმე მუსიკალური და ქორეოგრაფიული ნომერიც შეასრულეს.

ანსამბლის წევრებმა მსჯავრდებულ ქალბატონებს თავიანთი სიმღერების ალბომი -სახელწოდებით „თბილისის მზეს“ გადასცეს.

პენიტენციური დაწესებულების დირექტორმა ნესტან ვერულაშვილმა მადლობა გადაუხადა ანსამბლ „ფორტეს“ და აღნიშნა რომ მსჯავრდებულებისთვის ასეთი ემოციური, ორმხრივად პოზიტიური საღამოები ძალიან მნიშვნელოვანია.

ღონისძიების ბოლოს ანსამბლის წევრებმა მსჯავრდებულების ხელნაკეთი ხატები და სხვადასხვა ნივთები დაათვალიერეს და სამახსოვრო საჩუქრებიც მიიღეს.