აშშ-ში ბევერლი-ჰილზში გამართულ აუქციონზე დასარტყმელი ინსტრუმენტი, რომელიც ექს-ბიტლმა რინგო სტარმა გამოიტანა გასაყიდად 2,1 მილიონ დოლარად გაიყიდა. Ludwig-ის ფირმის ეს ინსტრუმენტი რინგომ 1963 წელს შეიძინა და მასზე 200-ზე მეტჯერ აქვს დაკრული. მათ შორის მასზეა შესრულებული სიმღერების, "Can't Buy Me Love" და "I Want to Hold Your Hand" ჩაწერები.

75 წლის რინგო სტარს, რომელიც ლოს-ანჟელესში ცხოვრობს, ხშირად გამოაქვს მის მფლობელობაში არსებული ისტორიული ნივთები გასაყიდად, რისგან მიღებულ ფულსაც იგი საქველმოქმედო ფონდ Lotus-ის ანგარიშზე რიცხავს. ფონდი მისი და მისი მეუღლის მსახიობ ბარბარა ბახის მიერაა დაარსებული. ნოემბერში, აუქციონზე ასევე 2,1 მილიონად გაიყიდა რინგო სტარის დასარტყამი თეფშები.