გამაფრთხილებელი სიგნალი შსს-ს - მოქალაქეები მარჯვენასაჭიანი მანქანების რეგისტრაციის აკრძალვის წინააღმდეგ

საზოგადოება - 16:59, 04 Dec, 2015

3176

თბილისში 6 დეკემბერს მარჯვენასაჭიანი ავტომობილების იმპორტის აკრძალვასთან დაკავშირებით შსს-ს ახალ ინიციატივას გააპროტესტებენ.

გამაფრთხილებელი აქციის მონაწილეები საკუთარი ავტომობილებით იუსტიციის სახლთან 13:00 საათზე შეიკრიბებიან. ამის შემდეგ ისინი მარჯვენა სანაპიროს გავლით დიღმის მიმართულებით გაემართებიან.

„გავაკეთებთ ავტომობილებით უწყვეთ ჯაჭვს მთელს სანაპიროზე. უკვე 13:00-საათზე სიგნალებით მოვუწოდებთ და გავაბრთხილებთ შსს-ს და შესაბამის ორგანოებს, თუ ჩვენი მოთხოვნა ოთხშაბათამდე (მარჯვენასაჭიანი მანქანების რეგისტარციის აკრძალვასთან დაკავშირებით) არ დაკმაყოფილდება ჩვენ, ხუთშაბათს დავიწყებთ მსველობას თბილისის ქუჩებში პიკის საათებში, რაც სავარაუდოდ მოახდენს ქალაქის პარალიზებას და რეალურად ეს შექმნის პრობლემას. ჩვენ გამაფრთხილებელი აქციისთვის ვირჩევთ კვირა დღეს ასევე ვირჩევთ ისეთ ადგილს სადაც ნაკლებად შევაფერხებთ მოძრაობას, ვინაიდან არ გვსურს პრობლემა შევუქმნათ ქალაქს, მაგრამ თუ კანონპროექტში არ შევა ცვლილება ეს პრობლემები გარდაუვალი გახდება“, - ნათქვამია აქციის ორგანიზატორების მიერ გავრცელებულ აქციაში.