ვაკე-საბურთალოს რაიონის ნაწილს დღეს და ხვალ წყალი შეუწყდებათ

ვაკე-საბურთალოს რაიონის ნაწილს დღეს და ხვალ წყალი შეუწყდებათ - GWP

საზოგადოება - 15:35, 04 Dec, 2015

1779

კომპანია „ჯორჯიან უოთერ ენდ ფაუერი“ დიღმის ველზე გადაუდებელ ტექნიკურ სამუშაოებს ჩაატარებს. ავარიულად დაზიანდა 1400 მმ-იანი მაგისტრალის დიღმის ველზე გამავალი მონაკვეთი. დაზიანების სალიკვიდაციო სამუშაოებს კომპანია დღეს, საღამოს 10 საათიდან დაიწყებს. სამუშაოების ჩატარება მაგისტრალური ქსელების წყლისგან დაცლას მოითხოვს.

გადაუდებელი სამუშაოების ჩატარების მიზნით, დღეს, 22:00 საათიდან ხვალ, 5 დეკემბრის 10:00 საათამდე წყალმომარაგება შეუწყდება:

ჭავჭავაძის, ვაჟა-ფშაველას და ყაზბეგის გამზირების მცირე ნაწილს, ნუცუბიძის ქუჩას და მიკრორაიონებს, ვაჟა-ფშაველას კვარტლებს, ქავთარაძისა და მათ მიმდებარე ქუჩებს
სოფელი დიღმის ნაწილს.

წყალმომარაგების შეწყვეტისა და აღდგენის თაობაზე ინფორმაციას “ჯორჯიან უოთერ ენდ ფაუერი“ მომხმარებელს წინასწარ, SMS-შეტყობინებით მიაწვდის. ინფორმაციის მოძიება ასევე შესაძლებელი იქნება კომპანიის ცხელი ხაზის - 293 11 11, ფეისბუქისა და ვებგვერდის http://www.gwp.ge/ka/gadaudebeli მეშვეობით.

„ჯორჯიან უოთერ ენდ ფაუერი“ შექმნილი დისკომფორტისთვის ბოდიშს უხდის მომხმარებლებს და შეეცდება სამუშაოების ჩატარება შესაძლებლად მოკლე დროში დაასრულოს.