ქალთა საერთაშორისო ასოციაცია საქართველოს ტრადიციული, საქველმოქმედო საახალწლო გამოფენა-გაყიდვა გაიმართება 5 დეკემბერს, შაბათს დილის 10 საათიდან საღამოს 6 საათამდე სასტუმრო რედისონ ბლუ ივერიაში. ღონისძიების მიზანია გამოფენა-გაყიდვის შედეგად შემოსული თანხა მოახმაროს მზრუნველობა მოკლებულ ბავშვებს და საქართველოს სოციალურად დაუცველ მოქალაქეებს.

ღონისძიებაში მონაწილეობას იღებს: ქართველი და სხვა მრავალი ქვეყნის სხვა და სხვა ხელოვნების დარგის წარმომადგენელი, 30- მდე საელჩო და საერთაშორისო მისია: აზერბაიჯანი, ამერიკის შეერთებული შტატები, დიდი ბრიტანეთი, ბულგარეთი, გერმანია, დანია, ესტონეთი, ესპანეთი,თურქეთი, იაპონია, ირანი, იტალია, ლიტვა, ლატვია,ნიდერლანდები, პოლონეთი, საფრანგეთი, სლოვაკეთი, უკრაინა, შვედეთი, შვეიცარია, ჩეხეთი, ჩინეთი, ყატარი.

სახალწლო გამოფენა-გაყიდვაზე მოსულ სტუმრებს შესაძლებლობა ექნებათ შეიძინონ საახალწლო საჩუქრები მსოფლიოს სხვადასხვა ქვეყნიდან, ქართველ და უცხოელ ხელოვანთა საავტორო ნამუშევრები და დააგემოვნონ ინტერნაციონალური სამზარეულო. ასევე, ბავშვებს ელოდებათ სანტა კლაუსი ტრადიციული ფოტოს გადასაღებად.

IWAG წარმოადგენს არაკომერციულ, არასამთავრობო ორგანიზაციას და ქალთა საერთაშორისო ასოციაციის მსოფლიო ქსელის ნაწილს. ასოციაცია ცდილობს გააღრმავოს მისი უცხოელი წევრების მიერ საქართველოს და ქართული კულტურის შეცნობა და გაუადვილოს მათ მშობლიური ქვეყნებიდან შორს ცხოვრება და მუშაობა. IWAG ახორციელებს საქველმოქმედო პროექტებს და მისი მთავარი მიზანია საქართველოს სოციალურად დაუცველი მოსახლეობის დახმარება.