"კომპანიის 2X2-ის შექმნამ შეიძლება ბევრი დადებითი შედეგი მოიტანოს“

ბიზნესი & ეკონომიკა - 14:15, 03 Dec, 2015

1507

8 დეკემბერს, კომპანია „2X2“ გაიხსნება, რომელიც მომხმარებელს აუქციონის მეშვეობით, უძრავი ქონების ყიდვა-გაყიდვას შესთავაზებს. როგორც კომპანიის დამუძნებელმა, მიხეილ კვეტენაძემ აღნიშნა, კომპანია ინოვაციურია, ქართული რეალობისთვის უცხო და მას ბევრი დადებითი შედეგის მოატანა შეუძლია.

"კომპანიის შექმნამ შეიძლება ბევრი დადებითი შედეგი მოიტანოს. ბევრ ახალ შესაძლებლობას ქმნის. არ არსებობდა აქამდე აუქციონი, რომელიც ორიენტირებული იქნებოდა ბროკერებზე. აუქციონს ასევე საშუალება აქვს საბაზრო ფასის ფორმირების, მექანიზმი უფრო მოქნილია. ფასი როგორც მაღლა, ისე დაბლა მოდის მოთხოვნის შესაბამისად. თუ მოთხოვნა არაა, ფასი დაბლა წამოვა და პირიქით. დღესდღეობით, ვინც ბინას ყიდის, მას არ აქვს საშუალება აუქციონზე გაიტანოს. არის მხოლოდ საშუალება დადოს გაზეთში, უთხრას ბროკერს და ა.შ. გარდა "eauction.ge"-სა და მასაც გარკვეული მოუხერხებლობები აქვს, იქ ბროკერი ვერ თამაშობს, თვითონ გამყიდველი და ა.შ", - აცხადებს კომპანიის დამფუძნებელი.

მისი თქმით, კომპანია უცხოური აუცქიონების "ebay"-ის, "amazon"-ის და სხვა აუქციონების მაგალითზე შეიქმნა, მასში გაერთიანდა იდეა და ქართულ რეალობაზე მორგებული ნაკრებია.

"თვითონ კომპანიის შექმნა ჩემი პირადი პრობლემების მოგავრების დროს გამიჩნდა, როცა მომიხდა მსგავსი საკითხების გადაჭრა და კარგად დავინახე ქართული უძრავ-მოძრავი ქონების ყიდვა-გაყიდვის ბაზრის პრობლემები. მაშინ გადავწყვიტე კომპანია შემექმნა. კომპანიაზე მუშაობა დაახლოებით 6 თვის წინ დავიწყეთ. ამ დროისთვის 8 ადამიანია ჩართული ამ საქმეში. კონტრაქტორები ამ ეტაპზე 5-6 კომპანიასთან გვაქვს", - აცხადებს კვეტენაძე.

მისი თქმით, ახალი აუქციონი მომხმარებელს ისეთ პროდუქტებს სთავაზობს, რომელიც ქართული ბაზრისთვის უჩვეულოა.

"ესაა "განვადება", "შორტსეილი" და "დაღმავალი აქუიციონი". "დაღმავალი აუქციონია", როცა ფასები მოთხოვნის შესაბამისად იზრდება, ან მცირდება. რაც შეეხება "შორტსეილს", ეს არის საშუალება, რომ მაგალითად ადამიანმა ბინა გაყიდოს 3-4 დღეში. ჩვეულებრივი აუქციონის ვადა დაახლოებით 2 კვირაა, "შორტსეილის" ვადა 2 დღეა, გადახდის პირობები - 5 დღე. რადგან ინვესტიციები ჩავდეთ, ეს იმას ნიშნავს, რომ წარმატების იმედი გვაქვს", - აღნიშნავს კომპანიის დამფუძნებელი.