13-14 ივნისის სტიქიის დროს დაზარალებულმა ოთხმა ოჯახმა ქონების საფასურის ანაზღაურების შესახებ შეთანხმებას ხელი მოაწერა.

თამარაშვილის შესახვევი #6-ში მცხოვრებმა სამმა ოჯახმა თანხის ანაზღაურებაზე თანხმობა სულადობის მიხედვით განაცხადა. ხუხუნაიშვილების სამსულიან ოჯახს, წიკლაურებისა და დაბრუნდაშვილების ხუთსულიან ოჯახებს კუთვნილი თანხა უახლოეს დღეებში ჩაერიცხებათ.

წყნეთის ხევის 61ა-ში მცხოვრები მოსიკაშვილების ოთხსულიანი ოჯახი ქონების საფასურის ანაზღაურებას საბაზრო ღირებულების მიხედვით დათანხმდა.

სტიქიის შედეგად დაზარალებულ 42 ოჯახს სულ ჯამში 11 209 972 ლარი ჩაერიცხა.