საერთაშორისო პოლიციის ასოციაციის ლიტვის სექციის ყოველწლიური კონგრესი ვილნიუსში გაიმართა. კონგრესში მონაწილეობა „სამართალდაცავთა დაცვის ლიგის“ წარმომადგენლებმა ირაკლი ქადაგიძემ და დავით დათაშვილმა მიიღეს. კონგრესზე განხილული იქნა გასულ წელს ჩატარებული ღონისძიებები და ასევე დაიგეგმა მომავალი წლის პროგრამები.

ღონისძიებაზე განიხილეს ლიტვისა და საქართველოს ერთობლივი მონაწილეობა საერთაშორისო პოლიციის ასოციაციის მსოფლიო კონგრესზე. მსოფლიო კონგრესზე საქართველოს სექციის ჩამოყალიბების პროცესის დაწყებას მხარი ერთხმად დაუჭირა ყველა წევრმა სახელმწიფომ. აღსანიშნავია, რომ IPA - ლიტვის სექციასა და საქართველოს შორის, რომელსაც „სამართალდამცავთა დაცვის ლიგა“ წარმოადგენს ინტენსიური და წარმატებული მუშაობა მიმდინარეობს. ლიგის წარმომადგენლებმა ლიტვის სექციას მხარდაჭერისა და დახმარებისთვის მადლობა გადაუხადეს.