ხვალ, 29 ნოემბერს 12:00 საათზე საქართველოს ახალგაზრდა რკინიგზელთა ასოციაცია საქველმოქმედო აქციას ,,შეიტანე შენი წვლილი და დაეხმარე მზრუნველობა მოკლებულ ბავშვებს“ გამართავს.

საქველმოქმედო აქციის ფარგლებში ასოციაციის წევრები თბილისის # 200 სკოლა-პანსიონს, ჩვილ-ბავშვთა სახლსა და ლომისის ტაძრის მფარველობის ქვეშ არსებულ ბავშვთა თავშესაფარს ეწვევიან.

ახალგაზრდა რკინიგზელები მზრუნველობამოკლებულ ბავშვებს მათ მიერ შეგროვილ სამოს, სათამაშოებსა და ტკბილეულს გადასცემენ.