"თავისუფალი უნივერსიტეტის" ფიზიკის სკოლის ბაკალავრებმა ფიზიკის ტესტში მსოფლიო მასშტაბით უმაღლესი ქულები აიღეს. ამის შესახებ "თავისუფალი უნივერსიტეტის" ფიზიკის სკოლის კოორდინატორი ზაზა ოსმანოვი ფეისბუკის გვერდზე წერს. გურამ ქართველიშვილმა, საბა შარიქაძემ და თორნიკე ღუტიშვილმა ამერიკის წამყვანი უნივერსიტეტების მაგისტრატურა–დოქტორატურის პროგრამებზე მოსახვედრად გამოცდა GRE–ში ჩააბარეს (საერთაშორისო ეროვნული გამოცდები, რასაც, როგორც წესი ითხოვენ ამერიკის უნივერსიტეტები). ფიზიკაში მაქსიმალური ქულა 990-ია, ხოლო 900–ზე მეტი ქულას როგორც წესი საუკეთესოები იღებენ . ქართველმა სტუდენტებმა კი საქართველოს რეკორდი მოხსნეს და უმაღლესი ქულები აიღეს - თორნიკემ 990, საბამ - 970, გურამმა კი 920.

990 ქულის მიღებით თორნიკე მოხვდა მსოფლიოს მასშტაბით იმ საუკეთესო 5%–ში ვინც ეს საგანი ჩააბარა. ასეთი შედეგი საქართველოს ისტორიაში პირველია.