"მშობელი შვილს იარაღს ფანჯრიდან აწვდიდა"- რას აცხადებს ბაღების სააგენტო დიღომში მომხდარ ფაქტზე

საზოგადოება - 14:59, 27 Nov, 2015

4425

თბილისის საბავშო ბაღების მართვის სააგენტო, დიდ დიღომში მდებარე 213-ე საბავშვო ბაღში ერთ-ერთი ბავშვის მშობლის მიერ იარაღის მიტანის ფაქტს ადასტურებს.

როგორც სააგენტოს პრესსამსახურის წარმომადგენელმა თიკო კვირტიამ "ნიუპოსტთან" აღნიშნა, ეს ინფორმაცია მათ ბაღის დირექტორმა, ნანა ბედელაშვილმა დღეს დილით მიაწოდა.
"დირექტორის მონაყოლის საფუძველძე ჩვენ საპატრულო პოლიცია გამოვიძახეთ, რომელიც ადგილზე არკვევს მომხდარის დეტალებს. ქალბატონი ნანას განცხადებით, ინცინდენტი სამხარის დროს მოხდა, ოთახი ნიავდებოდა, ფანჯარაში ერთ-ერთი ბავშვის მშობელი მივიდა და შვილისთვის იარაღის მიწოდებას ცდილობდა და იმ ჯფუფელის დასახელებას ითხოვდა, რომელიც მშობლის თქმით, მის ბავშვს აბრაზებდა", - აღნიშნა პრესსმსახურმა.
თბილისის საბავშო ბაღების მართვის სააგენტოსთვის უცნობია, იყო თუ არა გამოყენებული ნამდვილი იარაღი.
"ნიუპოსტის" კორესპოდენტის ცნობით, საბავშვო ბაღში სამართალდამცველები ამ დრომდე მუშაობენ. იქ იმყოფებიან როგორც საპატრულო პოლიციის თანამშრომლები, ასევე საგამოძიებო ჯგუფი.
რაც შეეხება დირექტორის განცხადებას, ბედელაშვილმა ჟურნალისტებს დაუდასტურა ინფორმაცია, რომ ერთ-ერთი ბავშვის მამა საბავშვო ბაღში იარაღით ნამდვილად მივიდა, თუმცა დირექტორი ვერ აკონკრეტებს, მივიდა თუ არა ბაღში ერთ-ერთი მშობელი ნამდვილი იარაღით.

სს-ს ინფორმაციით, მომხდარზე გამოძიება დაწყებულია სსკ-ს 151-ე მუხლით, რაც მუქარას გულიხსმობს და 236-ე მუხლით, რაც ცეცხლსასროლი იარაღის უკანონოდ შეძენა-შენახვა-ტარებას ითვალისწინებს.