"მამამ შვილს იარაღი მისცა და უთხრა, ვინც არ მოგწონს ესროლეო"

"მამამ შვილს იარაღი მისცა და უთხრა, ვინც არ მოგწონს ესროლეო" - ინციდენტი 213-ე საბავშვო ბაღში

საზოგადოება - 14:35, 27 Nov, 2015

16141

დიდ დიღომში, 213-ე საბავშვო ბაღში პოლიციაა მობილიზებული. არსებული ინფორმაციით, გუშინ, დაახლოებით 17:00 საათზე ერთ-ერთი აღსაზრდელის მამა საბავშვო ბაღში იარაღით მივიდა, შვილს გადასცა და მოუწოდა, ვინც არ მოსწონდა, მისთვის ესროლა.
ფატქს პირად საუბრებში ბაღის აღსაზრდელთა რამდენიმე მშობელი ადასტურებს.
"ნიუპოსტს" 213-ე საბავშვო ბაღში განუცხადეს, რომ ინცინდენტს ნამდვილად ჰქონდა ადგილი, თუმცა ადმინისტრაცია იარაღის გამოყენებაზე საუბრისგან თავს იკავებს.
"გუშინ რაღაცა უთანხმოება მოხდა, მშობელი ნასვამ მდგომარეობაში იყო, თავს ვერ აკონტროლებდა"- აღნიშნა ჩვენთან საუბრისას 213-ე საბავშვო ბაღის წარმომადგენელმა, რომელმაც მშობლის მიერ იარაღის გამოყენება კატეგორიულად უარყო.
"ამ თემით ჟურნალისტები აჟიტირდნენ, მსგავს ფაქტს ადგილი არ ქონია"- იწმუნებიან ბაღის თანამშრომლები.

ადგილზე სამართალდამცველები ამ წუთებშიც იმყოფებიან, როგორც შს სამინისტროს საზოგადოებასთან ურთიერთობის სამსახურში "ნიუპოსტს" განუცხადეს, ადგილზე სამართალდამცავთა მობილიზება მოქალაქის მიერ მიღებული შეტყობინების საფუძველზე მოხდა.