შსს-მ სამეგრელოში ძარცვის ფაქტი ცხელ კვალზე გახსნა

კრიმინალი - 16:37, 26 Nov, 2015

1421

"ნიუპოსტზე" გავრცელებულ მასალაზე, რომელშიც ზუგდიდის რაიონ სოფელ ახალსოფელში მომხდარი კრიმინალური ფაქტის შესახებ იყო საუბარი, შს სამინისტრომ ოფიციალური განცხადება გაავრცელა.
როგორც მღებრიშვილის უწყებიდან გვაცნობეს, ძარცვის ბრალდებით სამი პირი : 1984 წელს დაბადებული მანუჩარ ვ, 1970 წელს დაბადებული ზვიად გ. და 1985 წელს დაბადებული ლევან კ. ძარცვის ბრალდებით ცხელ კვალზე დააკავეს.
შს სამინისტროს ცნობით, სამივე დაკავებული ჩადენილ დანაშაულს აღიარებს. გამოძიება კი წინასწარი შეთანხმებით ჯგუფის მიერ ჩადენილი ძარცვის ფაქტზე მიმდინარეობს.
იხილეთ შს სამინისტროს ოფიციალური განცხადება:

"შსს-ს სამეგრელო-ზემო სვანეთის პოლიციის დეპარტამენტის და ზუგდიდის რაიონული სამმართველოს თანამშრომლებმა, ერთობლივად ჩატარებული ოპერატიულ-საგამოძიებო ღონისძიების შედეგად, 1984 წელს დაბადებული მანუჩარ ვ, 1970 წელს დაბადებული ზვიად გ. და 1985 წელს დაბადებული ლევან კ. ძარცვის ბრალდებით ცხელ კვალზე დააკავეს. გამოძიებამ დაადგინა, რომ ბრალდებულები 26 ნოემბერს ზუგდიდის რაიონის სოფელ ახალსოფელში, მ. ხ-ს საცხოვრებელ სახლში თავს დაესხნენ და მართლსაწინააღმდეგოდ დაეუფლნენ 150 კგ თხილს, ოქროს სამკაულებს, საოჯახო ნივთებს და 490 ლარს. ბრალდებულებმა ქალბატონს თავის არეში დაზიანება მიაყენეს და შემთხვევის ადგილიდან მიიმალნენ. სამართალდამცველებმა, ჩატარებული ოპერატიულ-საგამოძიებო ღონისძიების შედეგად, სამივე ბრალდებული მომხდარიდან რამდენიმე საათში დააკავეს. დაკავებულები აღიარებენ ჩადენილ დანაშაულს. პოლიციამ ფული და ნაძარცვი ნივთები ნივთმტკიცებად ამოიღო. გამოძიება წინასწარი შეთანხმებით ჯგუფის მიერ ჩადენილი ძარცვის ფაქტზე მიმდინარეობს (საქართველოს სსკ-ის 178-ე მუხლის მე-3 ნაწილის „ა“ და „დ“ ქვეპუნქტებით)".