გლობალური კრიზისის გაგრძელება - ბრალდება საბანკო სექტორს

ბიზნესი & ეკონომიკა - 15:52, 18 Mar, 2013

770

საერთო სახელმწიფოებრივი ინტერესების წინ. ამ პროცესების მოსაწესრიგებლად უკვე ხორციელდება საკმაოდ ხმაურიანი და ხისტი ზომები.
ჩვენს თვალწინ ევროპის შუაგულში ხდება აქამდე გაუგონარი უპრეცედენტო მოვლენა - ევროკავშირის ლოცვა-კურთხევით ფინანსურ სამოთხედ აღიარებულ კვიპროსში იწყება ადგილობრივი ბანკების ლეგალიზებული დაყაჩაღება.
ახლადარჩეულმა კვიპროსის მთავრობამ შაბათ-კვირის და უქმე ორშაბათის წინ უეცრად გამოაცხადა გადაწყვეტილება საბანკო დეპოზიტების დაბეგვრის შესახებ.
ეს ნიშნავს ევროკავშირის ულტიმატუმის შესრულებას და 10 მილიარდი ევროს დახმარების სანაცვლოდ ყველა არსებული დეპოზიტის ერთჯერადი დაბეგვრის დაწესებას 7%-დან 10%-მდე, ესე იგი უბრალო ენით რომ ვთქვქთ მეანაბრის ფულის კონფისკაციას. ნამდვილი პანიკა დაიწყო მეანაბრეებში, მაგრამ ყველა დეოზიტი ბანკებში უკვე „გაყინულია“ ფულის მასობრივი გადინების დაბლოკვის მიზნით.
პირველ რიგში ამ აქციით დაზარალდა რუსეთის რეზიდენტ-კომპანიები, მათი წილი კვიპროსის ბანკებში შეადგენს 19 მილიარდ დოლარს, ამას ემატება რუსი კერძო პირების შენატანები 30 მილიარდ დოლარამდე. ამოღებული სუფთა ფულის საერთო ჯამური ზარალი სავარაუდოდ მიაღწევს 4 მილიარდ დოლარს, რაც ნამდვილად არასასიამოვნო ცნობაა რუსეთის მოქალაქეებისთვის.
მორიგი გამოვლენილი საბანკო თაღლითობის შემდეგ ბრიტანეთში განიხილება კანონპროექი საბანკო სექტორის რეფორმირების შესახებ. ხელისუფლება ამკაცრებს ბანკების მუშაობის რეგულირებას, რათა მომავალში დაიცვას სახელმწიფო ფინანსური სისტემა განმეორებითი კრიზისისაგან და აიცილოს თავიდან მოსახლეობის მოტყუების შესაძლებლობა. სწორედ საბანკო სექტორს ბრალდება კრიზისის დაწყება ესპანეთში და პორტუგალიაში, უკიდურესად დაძაბულ სოციალურ ფონზე ევროპული ქვეყნების მთავრობების მთავარი პრიორიტეტი გახდა მოსახლეობის დაწყნარება და ნდობის აღდგენა.
შაბათს გავრცელდა ცნობა, რომ ამერიკის უძველესი და უდიდესი ფინანსური სტრუქტურა, ბანკი „ჯ პ მორგანი“ დაისაჯა სახელმწიფო მარეგულირებელის მიერ თაღლითობისთვის და საბუთების გაყალბებისთვის. ბოლო 6 თვის განმავლობაში მსოფლის წამყვანი ბანკების მიერ გადახდილი ჯარიმების მოცულობამ თაღლითობისთვის გადააჭარბა 2,5 მილიარდ დოლარს.
ამ ინფორმაციული ბუკეტის ფონზე რატომღაც უკვე აღარ გვიჩნდება პრეტენზიები საქართველოს ბანკების მიმართ მომსახურების ხარისხის, სესხებზე უაზრო საგირავნო მოთხოვნების და ასტრონომიული საპროცენტო განაკვეთების გამო.

მომზადებულია კომპანია „Admiral Markets“ ანალიტიკური ჯგუფის მიერ
http://www.admiralmarkets.ge/analytics/