გაუგონარი ბარბაროსობა უჯარმის მაღალჩინოსნების მონაწილეობით

გაუგონარი ბარბაროსობა უჯარმის მაღალჩინოსნების მონაწილეობით - ვინ გამოჭრა ყელი ძაღლს?!

საზოგადოება - 13:26, 25 Nov, 2015

6810

ცხოველთა დაცვის წევრები, საგარეჯოს რაიონში, კერძოდ უჯარმაში მომხდარ შემზარავ ფაქტებს ასაჯაროებენ.

სოციალურ ქსელში გავრცელებული ინფორმაციის თანახმად, მიმდინარე წლის 23 ნოემბრის უჯარმის დეპუტატმა კოტე გოგელიანმა, გამგებლის რწმუნებულმა დავით აბელაშვილმა და მინდია ჯეირანაშვილმა, რომლებიც გიორგობას აღნიშნავდნენ, ფიზიკური შეურაცხყოფა მიაყენეს ასაკოვან მამაკაცს, ხოლო იქვე ეზოში დაბმულ ძაღლს, რომელიც მათ უყეფდა, ყელი გამოჭრეს შემდეგ კი დამალეს.

სოფლის მაღალჩინოსნების მიერ ჩადენილ სისხლის სამართლის დანაშაულზე საუბრობს "ცხოველთა უფლებების კომიტეტი".

თინათინ ჭავჭანიძის განცხადებით, მის ორგანიზაციას ადგილობროვებმა მიმართეს და დანაშაულის შესახებ ამცნეს.

"ეს არის სისხლის სამართლის კოდექსის 258-ე მუხლით გათვალსიწინებული დანაშაული. დანაშაულს, კიდევ უფრო ამძიმებს ისფაქტი, რომ მასში თანამდებობის პირები მონაწილეობდნენ. არ მინდა უდანაშაულობის პრეზუმციას გავცდე, მაგრამ ჩვენი ინფორმაციით, ეს არის ჯფუფურად ჩადენილი დანაშაული"- აცხადებს ჭავჭანიძე.

"ცხოველთა უფლებების კომიტეტი" შს სამინისტროსგან საქმის დროულად გახსნას მოითხოვს.

"ქალბატონი, რომელმაც რეაგირებისთვის მოგვმართა, გუშინ მთელი დღის განმავლობაში ელოდებოდა ექსპერტებისა და სამართალდამცავების ადგილზე მოსვლას, თუმცა ეს ასე არ მოხდა. დიდი იმედი გვაქვს, რომ არ მოხდება ამ დანაშაულის მიჩქმალვა, რადგან ჩვენ გაგვაჩნია ფოტო მტკიცებულებები"- უთხრა "ნიუპოსტს" ორგანიზაციის წარმომადგენელმა.

„ნიუპოსტი“ სუტუაციის გარკვევას შეეცადა და სოფლის რწმუნებულს დავით აბელაშვილს ესაუბრა, ეს უკანასკნელი ჯეირანაშვილსა და მის ასკოვან მეზობელს შორის კონფლიქტს არ უარყოფს, თუმცა ძაღლის მკვლელობასთან კავშირს კატეგორიულად გამორიცხავს.

„23 ნოემმბერს, მინდიას ოჯახში ვიყავი სტუმრად, მაგრამ მსგავს სისასტიკეში მონაწილეობა არ მიმიღია. ძაღლის მკვლელობის შესახებ გუშინ გავიგე. წარმოდგენა არ მაქვს ვინ მონაწილეობდა ამ სისასტიკეში“- უთხრა „ნიუპოსტს“ რწმუნებულმა.

კითხვაზე, რატომ იყო დაბარებული მინდია ჯეირანაშვილი პოლიციაში, აბელაშვილმა განმარტა, რომ მის მეგობარს ახსნა-განმარტებითი ბარათი დააწერინეს, მეზობელთან მომხდარი კამათის გამო.

„მინდია პოლიციაში უკვე იყო დაბარებული, სადაც მას დააწერინეს ახსნა-განმარტებითი ბარათი. თუმცა სამართალდამცველებს ის ძაღლის მკვლელობის გამო არ დაუბარებიათ. ძაღლის მეპატრონესთან მოუვიდა კონფლიქტი და ამის გამო იყო დაბარებული ორგანოში, როდესაც ეს კონფლიქტი მოხდა, მე უკვე წამოსული ვიყავი ჯეირანაშვილის სახლიდან. დაზუსტებით არ ვიცი რა მოხდა“ - აღნიშნა რწმუნებულმა.

„ნიუპოსტმა“ მინდია ჯეირანაშვილთან დაკავშირებაც სცადა, თუმცა ის სატელეფონო ზარებს არ პასუხობს. როგორც გავარკვიეთ, ინცინდენტში მონაწილე პირებს ადგილობრივი პოლიცია ამ წუთებში კითხავს.

რაც შეეხება შს სამინისტროს, როგორც უწყების პრესსამსახურში აცხადებენ, უჯარმაში მომხდარ ფაქტზე, ინფორმაციის მოძიების პროცესში არიან, მათ კომენტარს „ნიუპოსტი“ მიღებისთანავე შემოგთავაზებთ.

დავით ჯაბაშვილი