"დედა მინდა წერილით გითხრა და დაგემშვიდობო "

"დედა მინდა წერილით გითხრა და დაგემშვიდობო " - ISiS-ის მებრძოლის წერილი დედას

საზოგადოება - 14:14, 24 Nov, 2015

14594

"ისლამური სახელმწიფოს" სახელით ქართველების მისამართით გაკეთებული მუქარის ერთ-ერთი ავტორი, დედას შემდეგი შინაარსის წერილით დაემშვიდობა:
“ასალამუ ღალეიქუმ ვერეხმეთულაჰი ვავარაქათუ. დედა მინდა წერილით გითხრა და დაგემშვიდობო იმიტომ, რომ ასე აჯობებდა, რომ საქმე უკეთესად გამოსულიყო. პირველ რიგში მინდა გთხოვო, რომ არ გადუხვიო ღმერთის გზას ერთ ღმერთიანობას, როგორც გიხსნიდი ისე მოუდექი ღმერთის სამსახურს".

მედიამ იმ ოთხივე პირის ვინაობა დაადგინა, რომლებიც "ისლამური სახელმწიფოს" სახელით ქართველებს ემუქრებიან.

ვიდეოში აღბეჭდილი 4 პირიდან სამი - რობიკო პაქსაძე, ბადრი ირემაძე და მამუკა ანთაძე ოზურგეთის რაიონიდან არიან. ისინი აჭარელი ეკომიგრანტების სტატუსით გურიაში რამდენიმე წლის წინ ჩაასახლეს.

ისლამის მიმდევრების მშობლები აცხადებენ, რომ შვილებთან კონტაქტი არ აქვთ და არც იმის შესახებ აქვთ ინფორმაცია როგორ მოხვდნენ ისინი ისლამურ სახელმწიფოში.

ვიდეომიმართვაში მონაწილე კიდევ ერთი პირი ხვიჩა გობაძეა, რომელიც წარმოშობით ბათუმიდან არის. მისი მამა ილია გობაძე ამბობს, რომ საქართელო ხვიჩამ 2 თვის წინ დატოვა.

რუსულენოვან ინტერნეტ გამოცემა "ფურატ მედიაზე" ISIS-ის ქართულენოვანი მებრძოლები მუქარის შემცველი ვიდეო მიმართვა გუშინ გამოქვეყნდდა.

ვიდეომიმართვაში "ისლამური სახელმწიფოს" მებრძოლები საქართველოს მოქალაქე მუსლიმებს მოუწოდებენ ე.წ ხალიფატს შეუერთდნენ.

ისინი ქართველ მუსლიმთა ხოჯებსა და მუფთებს ურწმუნოების "მონებად" მოიხსენიებენ, და "ისლამის მდევნელებს" თავის მოჭრით ემუქრებიან.