სრულიად საქართველოს მუსლიმთა სამმარეთველოს აღმასრულებელი დირექტორის მოადგილე - ადამ შანთაძე „ნიუპოსტთან“ ISIS-ის ქართულენოვანი მებრძოლების გავრცელებულ ვიდეო მიმართვას აფასებს და ამბობს, რომ „ისლამი ძალადობრივი რელიგია არ არის, მებრძოლები კი ვიდეოში ყურანის აიების საკუთარი ინტერპრეტაციით ციტირებებდნენ“.

„ძალადობა, ტერორიზმი, ექსტრემიზმი ყოვლად მიუღებელია ისლამისთვის. სრულიად საქართველოს მუსლიმთა სამმარეთველო სრულიად ვემიჯნებით ძალადობის ნებისმიერ გამოვლინებას“- აღნიშნა შანთაძემ.

კითხვაზე, რა იცის მუქარის ავტორებზე (პაქსაძე, ირემაძე, ანთაძე და გობაძეზე) მუფთის მოადგილემ გვითხრა, რომ ეს პირები რადიკალურ ფრთას წარმოადგენენ.

„ეს არის დაშინება, ფსიქოლოგიური ზეგავლენის მოხდენის მცდელობა. ვიდეო აშკარად დასაფიქრებელი და სამოქმედოა. ჩვენ ამ ვიდეომიმართვას სრულიად ვემიჯნებით. საქართველოს მუსლიმთა სამმარეთველოს ძალიან თბილი და მეგობრული ურთიერთობა აქვს საქართველოს საპატრიაქროსთან, ასევე სხვა კომფესებთან. სუიტებსა და შინიტებს შორისაც ძალიან კარგი ურთიერთობა არსებობს. ამით იმის თქმა მინდა, რომ არ არსებობს, რაიმე სახის საფრთხის შემცველი წინაპირობა, იმისა რომ შეიცვალოს ეს დამოკიდებულება. ჩვენ ძმობას ვერანაირი მუქარა, ფსიქოლოგიური ძალადობა ვერ შეარყევს. საქართველო სამაგალითო ქვეყანაა თავისი ტოლერანტობით“- აღნიშნა შანთაძემ.

"ნიუპოსტი" ასევე დაინტრესდა, აქვს თუ არა მუფთს რადიკალური დაჯგუფების მიერ ახალშენში შეკრებაზე და მოსახლეობის გადაბირებაზე ინფორმაცია.

ამ კითხვის საპასუხოდ, მუფთის მოადგილემ განმარტა, რომ ახალშენში მეჩეთი არსებობს, სადაც ლოცვას ვერავის აუკრძალავენ.

„ამ რადიკალურ ჯფუფთან არანაირი შეხება არ გვაქვს. თუ მათი წარმომადგენელი მეჩეთში შემოვა, მას ვერ გავაგდებთ, ლოცვას ვერავის დავუშლით. ჩვენი მხრიდან მათთან გასაუბრების, რჩევის მიცემის მცდელობა ყოფილა, თუმცა ექსტრემისტი დიალოგზე არ მოდის“- დასძინა რესპოდენტმა.